Gurk vo dä Wuchä

Hüt fiiret s Bikini Geburtstag. D Gschicht hinder däre knappe Badbechleidig het mr abr sehr z dänke gä.

Das mit dere Kommunikation isch doch eifach immer wider schwirig. Abr was, wenn missglückti Kommunikation de Normfall isch?

Ich schtudiere ja ar Fernuni. Das heisst d Prüäfige macht me digital vo dehei us am eigete Computer. Natürlich mit ganz vil Überwachigsmassnahme, wo meh oder weniger durchdacht si.

Wüll d Schpermiequalität in Chäller abe rasslet muäs me dringend öpis undernä. Drum gits jetzt Chüälunderhösli. Ganz e cooli Sach!

Ich ha e noi Duschbrause müsse ha und ha us Versehe e A-Brause kauft. Für mi ischs noi gsi, dass diä A-B-C Labels nid nume für Läbensmittel und Elektrogrät sondern au für Duschbrause gälte.

Ich bi über d «Let them theory» gschtoglet. En absolute Erfolg uf Tik Tok und au s Buäch isch en rise Bestseller. D Idee isch bahnbrächend, abr irgendwie chunnt mir das bekannt vor.

Ich ha mi vor sächs Jahr gfragt, was me alls muäs erledigt ha bis me drissgi wird. Drum ischs au naheligend, wenn ich mich jetzt frag, was me als Frau alls muäs chönne bis me vierzgi wird.

Ich bi diä Wuchä über mehreri Erfindige gschtoglet, wo d Wält entweder nid brucht odr wo so neu gar nid si. Abr defür ufe Art amüsant.

Als Chind lert me extrem vil Sache wiä Objäktpermanänz oder inhibitorischi Kontrolle. Ich ha mi gfragt, was wär, wenn mr das als Erwachsnegi nid chönnte und warum mir üs bim Verschteckis nüm d Händ vor d Auge häbe.

Ich ha e Alternative für alli wo Online-Dating zu de Ohre use hangt: d Brütigamseiche. E Baum mit offizieller Poschtadrässe.

Ich ha e Schtudiä gläse zur Frag, wenn me sich söll mälde nach eme erschte Date. Schön, dass sich d Forschig um Läbenshilf kümmeret.

Ich triffe in allne mögliche Fitnessformat irgendwelchi Tabata-Trainings. Das wo da als underschidlichscht Allerwältsmittel verchauft wird, het abr leider so gar nüt mit em Urschprung z tüä.

Ich bi mal wider über Wörter gschtoglet, woni gar nid kennt ha: Pink Pill, femcel und FDS. Das wo hinder dene Begriff schteckt, git mr abr scho sehr z dänke.

Ich ha mal wider d Witerbildigs-Äpp Tik Tok ufgmacht und glert, wiä me d Schnäbilängi vo Manne cha schätze und das ganz ohni dass me ihne muäs d Hose abzieh.

Mir isch ersch grad ufgfalle, dass Züg ja links fahre. Wieso denn das? Und was macht eigentlich dä Typ mit de Rastas usem Freestyler-Musigvideo?

Ich bi übr e Regle gschtosse, wiä me bessr söll chönne Gränze setze bim Dating. Jedes Date het drü Pilz aso Läbe und we dis Date öpis macht, wo di schtört, wird ei Pilz glöscht.

Wieso gits eigentlich Ponys? Und was isch zersch gsi: s Ross oder s Pony? Isch das überhaupt s gliche Tier? Das si doch diä grosse Frage vom Läbe.

Ich fühle mi regelmässig, als hätt ich e ganze Ozean i mine Zälle gschpicheret. Oder zmingsch e Zürisee. Was söll das? Was het sich d Evolution debi dänkt?

Ich setze mi grad mit Entwickligspsychologie usenand. De Fokus ligt vor allem uf Sache, wo mr noi lere. Abr ich ha mi gfragt, wiä vil Sache mir nüm mache odr irgendwenn als Chind s letscht mal gmacht hei.

Ich schtudiere ja wider. Abr nüm a dere Uni, woni schomal schtudiert ha, obwohl ich quasi näbe dra wohne.

Ich bi ja bekannterwis kei Fän vom Valentinstag und däm ganze Kommerzkitsch. Drum ischs erschtunlech, dass bis jetzt de St. Skeletortag a mir verbigange isch.

Ich ha über e schpannende Mönsch gläse, wo Schpitzeunderwösch für Manne härschtellt. Das bitzeli Schtoff löst ganz vil negativi Emotione us. Warum isch das so und warum hei Manne numä so längwiligi Underhosä?

Ich bi wider ime Tik Tok Loch versumpft: Swag-Gap. Offebar de wahri Grund, wieso dass Beziehige schittere.

Ich ha es paper zuegschickt übercho über d Ernährig vo de Neandertaler. Ich ha vil glert und bi zum Schluss cho, dass me d Paleo-Diät sött überdänke.

Ich ha mal wider Tik Tok ufgmacht und mi gwunderet ab hunderte vo Kommentär. Offebar bini völlig us de Ziit gheit.

Ich bi mit eme Mönsch anenand grate und hast nid gschafft, d Woge z glätte. Ich bi fasziniert, wiä schnäll so öpis cha entgleise.

Ich ha nid ganz freiwillig e noiä Läbenswäg igschlage. Für das bin ich als muätig bezeichnet worde. Isch das wük so muätig? Und was isch Muät überhaupt?

Ich ha vo mire Schwöschter es Hotel übercho. Kei risigi Immobilie, sondern es Glas mit «Vichli» drin. Ich ha müässe recherchiere, was das für Läbewäse si.

Ich ha internationali Wiähnachtsbrüüch recherchiert und tatsächlich no e Hampfle voll gfunde, woni noni kennt ha. Ich bring dr mini drü Favorite nöcher.

Ich ha diä Wuchä d Fürwehr dörfe im Isatz beobachte. Füür het für mich öpis extrem schöns und aziehnds, abr au öpis gfürchigs. Füür und Wiähnachte ghöre abr scho chli zämme für mi. Offebar nid nume für mi.

Gugu het wider e Schtatistik use gä, weli Frage ir Schwiz im 2025 hüfig gschtellt worde si. Ich ha mi a diä was, wie und warum Frage häre gwagt.

Ich bi diä Wuchä konfrontiert worde mit ere sehr grosse Differänz zwüsche Sälbscht- und Frömdwahrnähmig. Abr nid uf diä guäti Art.

Es git ändlich Push-Up-Underhösli für Manne. Ha mr natürlich grad müässe aluege, wiä das funktioniert und was d Wält so dezuä meint.

Ich bi übere Psychotescht gschtoglet, woni noni kennt ha. De MBTI, wo es Muäter-Tochter-Gschpann 1940 entwicklet het. Dä Tescht hani natürlech sofort müässe mache.

Im Momänt kursiere vil Videos, wo Lüt agäblech Vögel gseh hei. Ich ha mi gfragt, was zum Geier das jetzt wider söll.

Ich ha ime Ghüdderartikel gläse, dass Manne mit Bart wahrschinlicher e Glatze überchöme als Manne ohni. Wük? Jo und nei. So eifach ischs de glich nid.

Ich ha en Podcast mit em Philosoph Richard David Precht glost. Er seit, dass KI s Änd vo de Kulturgschicht bedüttet. Ich bi gschpannt, was KI dezuä seit.

S Mami isch mal wider bi mir gsi und het mr d Liädtext mitbracht vom Musical, wo mr damals hei ufgfüärt. Ich erinnere mi no a jedes Liäd. Abr warum?

Ich folge über 200 Accounts uf Insta. Es isch es thematischs und mönschlechs Chrüsimüsi. Ich ha Chat GPT bätte uf Basis vo däm es Psychoprofil vo mir z erschtelle.

Ich ha bim Velöle e Libelle gseh, obwohls am Morge scho grüselig chalt isch gsi. Wieso isch diä so schpät im Herbscht no underwägs?