Gurk vo dä Wuchä

Mir isch jetzt scho mehrfach de sogenannt «Waldtescht» übere Wäg gloffe. Drum hani dä mal gmacht und mr mini Psyche la analysiere.

Ich ha öpis kauft, wo mr s Gfühl git, dassi s Läbe extrem im Griff ha. Ich bi tüüf itaucht is Vorhangbusiness.

Ich ha Eier entdeckt, woni überhaupt nid ha chönne zueordne. Si hei sich au nid wiä «normali» Eier verhalte. Woni verschtande ha, was für es genials Konzept hinder dere Fortpflanzig schteckt, hani mr überleit, ob me das ächt au chönnt uf Mönsche überträge.

Bim Ablick vo dene Turte isch mr s Wassr im Muul zämme gloffe. Umso erschtunter bini gsi, dass diä Gebäck weder Zucker no Nidle drin hei, sondern Wurscht und Brot.

Ich ha vom Mami es Büechli über unnützes Chrütswortsrätselwüsse gschänkt übercho. Scho bim erschte Kapitel woni lise, gits vil z entdecke.

E junge Gschichtschtudänt isch in Frankrich sälber in d Gschicht igange. Er het über sächshundert Mal ire Quizsändig mitgmacht. Ersch diä Wuchä isch sini Siegesserie beändet worde.

Was heisst eigentlich cool? Was für Wärt und Persönlichkeitsmerkmal wärde mit coole Mönsche assoziiert? E noi Schtudiä het genau das undersuächt und Lüt i 13 verschidnige Länder befragt.

Ich bi ime Artikel über de Begriff «Tolyamory» gschtürchlet. Ich ha das Wort vorhär no niä ghört gha, ha aber müässe merke, dass das nid mini einzig Bildigslugge isch.

Ich ha ame Schpilabe s «Spiel des Lebens« kenneglert. Wüll ich das so luschtig ha gfunde, hani diä erscht Version vo däm Schpil us de 70er Jahr übercho. E Ziitreis.

Ich bi ime Buäch über e mir unbekannte Volksschport in China gschtolperet: Grillekämpf. Ich ha als Chind zwar au Höigümperwiitschprung oder Schnäggerenne veraschtaltet, aber diä Grillekämpf si e richtigi Wüsseschaft.

Ich ha jedes Jahr wider es Gnusch mit dene cheibe Fiirtige. Was isch scho nume a Pfingschte passiert? Ich undernimm no einisch e Alauf das für immer z kläre.

Ich bi schpontan kriminell worde. Ich ha chlaue und e Übertättigsazeig für euch usprobiert.

Fraue schtöi uf älteri Manne und Manne schtöi uf jüngeri Fraue. We me d Eheschtatisik und d Sälbschtussage vo Mönsche aluegt, denn mag das schtimme. Abr entschpricht das wük de Realität?

Ich ha ir Primarschuel mal ame Mitschüäler sis Libli verrisse. Das duät mr bis hüt leid. Drum hani diä alti Gschicht wider usgrabe.

Underem Label «feminine health juice» kursiere Videos, wiä Fraue ihre Intimbereich olfaktorisch chöi optimiere. Wük jetzt?

Open AI het e noi Version vo Chat GPT zrüggzoge, wüll de Bot z fründlich isch gsi. Ich ha teschtet, wiä guät mi dä Bot cha beschimpfe im Verglich zume andere und was si gegesitig vo ihrne Beschimpfige halte.

Es isch de Wunsch a mi ane treit worde, dass ich mal vom Läbe als Frau mit Muskle brichte. Vo mine Begägnige, Sehnsücht und Widerschtänd. Kei eifachi Ufgab.

Ir Schwiz wohne diä glücklichschte Päärli. Das bhauptet e aktuelli Uswärtig, wo füf Faktore verwurschtet het. Isch das so oder isch das mal wider en absolute Gugus?

Im Momänt cha me uf Tinder i de USA sini Flirtskills üäbe. Ich ha das Schpili mit Chat GPT nachegschtellt und mi la coache.

Eis vo mine Liäblingsbüächli isch dür d Medie gschleikt worde. D Rägebogefisch sig s toxischte Chinderbuäch wos je heig gä. Wük?

Warum isch d Wält nid grächt? Das hani mi diä Wuchä immer wider gfragt. Was heisst überhaupt Grächtigkeit?

Ich ha mi gfragt, ob diä künschtlich Intelligänz mittlerwile Mundart cha und ha drum verschideni Abüter s Totemügerli uf Baseldütsch la übersetze.

E Kollegin vo mir isch 49 worde und zur Feier des Tages het me ihre e Artikel gschickt, wo seit, dass me i däm Alter am unglücklichschte isch. Ich ha mr d Originalschtudiä dezuä inepfiffe.

Ich mache mi ja immer wider luschtig über fählbari KI. Aber es git durchus au schöni Gschichte.

Hüt isch Tag vo de alte Sache. Grund gnuä zum es paar älteri Gägeschtänd azluege, wo villech nüm all kenne.

E noi Schtudiä het undersuächt, ob me sich de Gang zum Therapeut cha schpare und schtatt desse günschtiger cha mit ere KI rede.

We dir s Läbe Zitrone git, mach Sirup drus. So seit me das. Aber offebar isch dä Schpruch nid nume blöd. Das zeigt e aktuelli Schtudiä.

Nach duzende Jahr mit emotionale Diskussione gits ändlich diä perfekt Antwort us eme Chemielabor in Neapel. Wüsseschaft cha tatsächlich Alltagsproblem löse. Oder?

Ich bi mal wider im Schpital gsi und ha mi chli gwunderet über waghalsigi These. Wider dehei hani e schpannendi Schtudiä gfunde, wo sech punkto Waghalsigkeit nid muäs schämme.

Ich ha Luscht gha uf noiä Träsch und bi drum go luege, weles Format ich noni kenn. Bi schnäll fündig worde und ha mr mal chli «Meik Löv, Feik Löv» ine zoge.

TasteAtlas het diä 100 schlächtischte Gricht vo de Wält kürt. Ich ha mr diä unbeliäbte Schpise agluegt und gmerkt, dass au schwizer Liäblinge vo mir druf si.

Es si hufewis Videöli gmacht worde, mit ere «No-Buy-List-2025». Ich ha mr agluegt, was sich d Lüt i däm Jahr nüm wei chaufe.

De Erfinder Archibald Low het 1925 Prognose use ghaue, wiä d Wält in hundert Jahr wird usgseh. Ich lueg also mal, was mi lut Archibald das Jahr so erwartet.

S Jahr isch verbi - Zit für en Rückblick. Ich ha Chat GPT all mini Episodetitäl vom Gurkäjahr gä zum es Gedicht la schribe. Ob das guät chunnt?

Bi üs ir Familie wird an Wiähnachte gsunge. Mittlerwile gits vil modärni Liäder, woni de Text nüm kenne. Aber bime alte hani defür bis hüt nid verschtande, um was es eigentlich geit.

Ich ha mire Nichte es chlises Überraschigspäckli wölle schicke. Bim Thema Frankiere bini aber extrem gschitteret.

Nach langer Zit isch ändlich mal wider es Ghüdderformat am Schtart, wo mi interessiert. Golden Bachelor: en pensionierte 73-Jährige suächt under 18 über 60-jährige Fraue sini gross Liäbi.

Im Momänt gits tonnewis Videöli vo Fraue, wo underem Häschtäg „womaninmalefields“ ihri negative Erfahrige mit Manne teile. Isch natürlich nid lang gange, bis d Manne de Trend umkehrt hei.

Ich ha ja nid so guäti Erfahrige gmacht im Schpital, wiä me mit mir über mini Diplopie gredet het. Vo wäge unheilbar und ich sig invalid. Drum hani Freud gha, dass sich anderi Klinike offebar Gedanke mache, weli Wörter und Phrase si Patiänte niä sölle säge.

Singlefraue sige glücklecher als Singlemanne - das het es Forschigsteam use gfunde. Ich ha mr genauer agluegt, wiä me zu dere bahnbrächende Erkenntnis chunnt.