體驗曲綫｜體驗設計 × AI
一個廣東話嘅Podcast，講體驗設計，包括品牌、客戶、員工。再加AI，點樣影響business，同埋點樣改變我哋做人做事。A Cantonese podcast exploring Experience Wave — connecting brand, customer, and employee into one continuous experience.From AI to business, and how it reshapes the way we think and make decisions.
ba da ba ba ba 下集
係咪估唔到九龍皇帝會同麥當當玩crossover呢？
現實世界梗係未發生啦，但係幻想就乜都得！
今集episode只係得5分鐘，大家唔需要聼10分鐘咁長，希望都攞到啲嘢走。
繼續加油！
Up Mud Spring
大家睇唔睇得明個title？
如果睇唔明，咁睇唔睇得明visual裏面寫乜？
不過睇得明又好，睇唔明都好，聽下今集up mud spring啦！
加油！
I'm Lovin' It 上集
大家可能聼得好辛苦，因爲我開始懷疑人生，究竟乜嘢係I'm Lovin' It? 個It到底係乜？
今集episode提到一個LinkedIn profile，大家有興趣可以去睇下。
https://www.linkedin.com/in/timyeh51/
可能自己錄完呢一集，覺得對大家唔住，所以我準備左下一集。
下一集個名會叫做ba da ba ba ba 下集，哈哈哈！
繼續加油！
對不起我愛你
呢個title，大家係咪即刻諗起黎明首經典金曲，哈！
不過，今集唔係講歌，今集係講AI，特別係AI公司點樣玩content marketing。
之前一集分享過，宜家啲marketer只係識得喺唔同既media落廣告，或者揾KOL幫手推，最可憐係話自己啲廣告做得幾咁出色，好似香港某大銀行咁。
細水長流既creativity，宜家真係賣少見少，可能我太old school，始終覺得好既marketing唔係靠廣告，而係因爲做得太好，所以啲人忍唔住要share，做到viral。
始終，人都係信人多過信廣告。如果個廣告仲要喺度玩sell嘢，其實點會做到事半功倍？？？
今集終於係少過10分鐘，做返想做既duration，不過希望都有價值。
繼續加油！
揾錢真係唔容易，所以唔好亂洗錢
呢個標題，唔知大家有冇同感？
今集share一個親身經驗，希望大家唔好犯我既錯啦。
繼續加油！
173-173-17324
唔知有幾多人仲記得軟硬天使既一首歌，叫鈴通天地缐，今集episode既title，就係喺呢首歌裏面攞出黎既歌詞。
今時今日既AI時代，有冇人仲會對詩有興趣？Cover Art張相，係一個電話號碼，如果大家睇唔清楚，個number係+852 3009-9386，就算對詩詞歌賦冇興趣，都可以打呢個電話玩下。
今集做返呢個episode應該要做既嘢，就係建議下點樣可以做好個customer experience，希望大家有返啲正能量！
繼續加油！
世外雞園
講清楚先，今集雖然同飲食有關，但係我唔係食家！
呢集研究緊一個dilemma，都希望激發到大家一齊諗下。
繼續加油！
邊個係殺樹凶手？！
呢一個episode，係紀念西貢二千幾棵樹，希望聼左既朋友包容下我既情緒。
下面有兩條link，有時間click入去睇下。
1）https://thecollectivehk.com/%E8%A5%BF%E8%B2%A2%E6%96%AC%E6%A8%B9%EF%BD%9C%E6%93%B4%E5%BB%BA%E8%A5%BF%E8%B2%A2%E5%85%AC%E8%B7%AF%E6%AE%BA%E8%BF%91%E4%BA%8C%E5%8D%83%E6%A3%B5%E6%A8%B9%E3%80%8011-%E6%A3%B5%E7%A8%80%E6%9C%89/
2）
https://youtu.be/h3mRsvFmWi0?si=NINjKiZf7taYM9-m
識你係老鼠？！
你見過既logo，最鍾意係邊個？點解？
今集就係分享下對logo既睇法，希望對大家有啲inspiration。
加油！
九龍皇帝之後，係邊個？
睇到個標題，你既答案會係邊個？
不過，無論個答案係乜，其實今集講既係outdoor advertising。
坦白講，我一路覺得做advertising係最低層次既marketing，但係見到呢個車身廣告，都忍唔住要講下。
因爲佢夠香港，哈！
大家繼續加油！
識睇梗係睇留言
因爲標題，所以講完！
哈哈哈！Ga Yau!
只要你唔尷尬，尷尬嘅就係人哋，關你鬼事？
今集用咗一個好特別嘅標題，就係只要你唔尷尬，尷尬嘅就係人哋。唔知你哋自己有冇講過呢句說話？今時今日，我覺得呢句說話真係好正。
點解呢一集會用呢個標題？
因為有一隻浣熊，佢同其它浣熊嘅身形好唔同，就喺幾個月前，佢喺網上爆紅，呢隻浣熊可能都唔知道，自己俾人哋影低咗，佢繼續喺自己個世界，自由自在，開開心心。
透過呢一隻浣熊，又inspire咗我哋一啲嘢。就係好多時，我哋做人做marketing，都要做好自己。咁你哋可能會話，係唔係有一種矛盾？
因為我唔係成日講，要做好Customer First，要客戶一位？但係依家又話做branding同埋marketing既高手，要做好自己？咁即係點？
其實，我哋唔應該因為話Customer First，就abuse咗自己公司嘅Brand Experience，一個真正好嘅customer，係會同個品牌一齊建立雙贏，任何只係要一方贏嘅，即係唔係Win-Win，都唔會長久。
呢一集希望又比到啲inspiration大家，繼續努力加油！
你係鬼鼠，定係鬼馬？
深水埗有一間文化屋雜貨店，佢地之前接受過一啲YouTuber既訪問，所以宜家多左人去玩，雖然未至於人山人海，但係都叫左起碼有人入去行下，希望呢種本地文化可以一路流傳落去。
今集episode，就係講佢地玩既廣東話文化，非常之有意思，大家有時間聽下。
繼續加油！
懷才不遇？
如果你有呢種感覺，呢集就係為你而設。有時間聼下，希望有用。
加油！
龍珠
大家仲有冇買書既習慣？
如果有，你買書係為左擺喺個書架，定係真係會睇哂成本書？
如果只係為左擺喺書架，咁呢一集既episode啱你嘞！
加油啦！
第一
又有一段時間冇錄podcast，因爲我犯左好多人都會犯既錯，就係搞錯左busyness同businesses之間既關係，唉。
但係我冇唔記得要做呢個podcast，所以今日點都要出起碼一個sharing。
Title係第一，好多人見到第一，就覺得肯定好得，但係原來第一，都分好多個層次。
世界第一。
日本第一。
香港第一。
唔知大家睇唔睇到張image，眼藥水都有三個第一，問你死未？
今集既内容一開始又有啲感觸，再咁落去，真係唔係好掂，不過希望都分享到啲有用既嘢比大家！
繼續加油！
點樣斷捨離玩扭蛋？
今集既episode，好似有啲似曲線抽擊「斷捨離」咁，所以個title就好無厘頭咁，特登加咗「斷捨離」落去，希望大家唔好介意。
我希望大家聽嘅時候，真係去諗吓，其實而家我哋每一日嘅消費，究竟係有冇必要？如果冇呢個必要，再加埋而家經濟又唔係特別好，係咪仲要咁樣去作出一啲為咗尋求唔知係咪快樂嘅消費？
今集好似有少少感觸，所以希望大家包容，大家繼續加油！
立減最貴
如果唔係做呢一集episode，我諗我唔會去查e-commerce啲jargon，我而家share俾大家嘅，係喺 Perplexity搵出嚟嘅jargon，我唔知大家明幾多，不過如果你哋有興趣嘅，都可以喺AI嗰度輸入：「立減喺 e-commerce入面係唔係一個jargon？仲有冇其它jargon？」咁AI應該會俾一個好長嘅table你，你就可以睇到每一粒字嘅意思。
立減滿減到手價優惠券紅包預售定金尾款秒殺拼團大陸電商嘅玩法，真係層出不窮，所以呢一集嘅episode同大家分享嘅，係對做discount嘅一啲睇法。
希望對大家有啲inspiration，大家繼續努力加油！
來都來了
坦白講，唔係好鍾意呢個title，但係如果我直接用牛來，我可能會更加睇唔起我自己。
首先，必須要同大家講聲對唔住，因爲已經差唔多有一個月，冇update過podcast。
呢三個禮拜做近啲好得意既嘢，遲啲一定同大家分享，但係諗諗下，不如我都分享一個做呢個project既inspiration比大家笑下。
呢間公司好hard sell，今時今日，只有唔care CX既公司，先至會講自己想講自己既嘢，所以我就建議佢地唔好咁hard sell，但係佢地已經中毒太深，連自己hard sell緊都唔覺，所以我就幫佢地define乜嘢叫做hard sell，每次佢地啲marketing嘢或者presentation，不停喺度重複同一個message，咁就係hard sell。
牛來冇hard sell，因爲佢地根本冇得sell，最後social幫佢sell，點解？
我隨便亂咁估下，大家有興趣可以聼下。
繼續加油！
你今日飲咗未？
你今日飲咗未？其實係益力多嘅Tagline，我攞嚟俾王老吉用，好似有啲唔係好啱，不過而家都冇乜所謂，成個世界不停咁喺度大兜亂，兜吓兜吓就乜都慣。
今集講嘅時候，覺得自己都講得有啲亂，可能係講緊大陸嘅出海策略，因為講嘅時候，其實覺得出海呢樣嘢，真係一啲都唔係新鮮事，所以講緊嘅時候，可能又諗緊好多嘢，大家聽嘅時候，希望俾啲耐性，我諗點都會聽到有啲有價值嘅嘢。
喺我做呢個eposide嘅時候，發現Erling Haaland原來有三個中文名。
1）夏蘭特
2）賀蘭
3）哈蘭德
所以，大家對於名嘅嘢，都係唔使咁執着。
其實今時今日嘅世界，做好自己，已經好難得。
大家繼續加油！
廣告同藝術，你鍾意睇邊樣？
好多年前，有一個報告咁講，話一個香港人，平均每日會見到起碼5,000個廣告。
我地唔需要去懷疑呢個報告既可信性，因爲我地可能睇廣告睇到麻木，連自己睇左乜都可能唔記得！
所以，呢集episode，想分享下中環PMQ出面對住果幅墻。
如果比你揀，你希望見到既係廣告，定係graffiti？
當世界冇左顔色
今集有一個特別位，因爲錄音既時候，出現左啲issue，我本來諗住由頭錄過，但係咁樣原來會幾辛苦，所以我就問Perplexity，有冇乜嘢免費online audio edit既tool，好好彩真係比我揾到，呢度都同大家介紹下，呢個tool叫https://clideo.com/，非常容易用，有興趣做video或者audio edit既朋友，可以試下玩下呢個tool。
大家繼續加油。
除左錢之外，有乜嘢幫到你？
今時今日去餐廳食嘢，好多時都會叫我地用QR Code去落單。唔知有幾多人已經習慣左呢種叫嘢食既方式？
坦白講，我仲未習慣到，因爲我始終鍾意有人幫手落單。食嘢要有溫度，叫嘢食都要有溫度！
今集episode講得有啲跳，希望大家跟到。
繼續加油！
雪糕究竟幾時食最好？
香港人，抖下啦。
求你講清楚，但係細聲啲
最近唔知乜嘢事，香港發生好多不必要既矛盾。
突然諗到，以前成日都見到一張海報，内容好簡單，就係咁。
Keep Calm。
希望大家都可以平平安安，加油！
古典音樂係咪一定要古典？
呢集唔想寫太多字，因爲音樂係用對耳仔去聼，用心去感受，鍾意音樂既朋友，去YouTube揾image裏面位音樂人，希望你會鍾意。
加油！
RIP
Muffy，雖然我唔係成日見到你，但係估唔到，你最後既24小時，係我同你婆婆一路陪住你。
多謝你帶比我地咁多快樂，你乖乖地，我地遲啲見。
台南係台灣既一部份
唔好話標題係阿媽係女人既嘢呀。
好多時，就算係阿媽係女人既嘢，你唔講，好多人都真係可能會唔記得左！
所以，做marketing既朋友，最緊要就係唔好亂咁make assumptions。
呢一集episode個background都仲係有啲得意，大家比多少少包容同耐心啦！
大家繼續加油！
關你沙示！
唔知有幾多朋友飲過呢種汽水？哈！
最近見到MM都同沙示做左一集，但係我要講，我做呢個episode，真係早過MM，所以我唔係copy，只係我真係有啲懶，所以冇即刻upload條audio，不過都冇所謂。
今集episode個background比較特別，希望大家聼得慣，我諗遲啲要好好研究下個錄音background。
大家繼續加油！
不准標貼，違者必究
唔知幾時開始，重要既事情原來要講三次。
但係係咪講左三次，聼果個就一定會記得，同埋會走去做？
其實，如果真係重要，講一次就得。
呢一集同之前啲episode，有啲唔同，唔知道大家有冇留意到？
加油！
你仲有冇留意街招？
Uber呢個發明，其實真係好偉大。
佢build左個platform出黎，為新市場帶黎好多sweet spots，但係對於傳統市場黎講，就帶黎好多pain points，不過自由既市場一直都係咁，有人歡喜有人愁，呢個就係Adam Smith喺The Wealth of Nations，中文叫國富論，裏面講既invisible hand。
講番呢個街招，坦白講，其實真係唔係好明呢個廣告想講乜，Uber啲TVC好似清晰啲。
今次既episode，會喺三個angle分析下呢個介紹廣告。
加油！
推，定拉？
今集同大家玩個小游戲。
點玩？聼下就知！
我都好想知道，有幾多人第一個答案係揀推，幾多個揀拉？
記住，一聼到問題，就要即刻答，唔好聼完先至答。
不過，如果你真係要咁做，我都冇辦法。
做人最高境界，就係連自己都呃埋，咁你贏！
加油啦！
車欠石更
你有冇見過呢個字？冇，唔緊要。聼下呢集episode，就會知道點解。
咁，唔知仲有幾多人記得，車欠石更呢組字係乜嘢意思？
車欠石更，即係軟硬，係好多好多年前，軟硬一隻CD，就係咁樣玩字。
Logo，究竟對一個brand黎講，有乜嘢價值？
係咪冇logo，個brand就一定唔得？
有logo，係咪又一定掂？
Good artists copy, Great artists steal.
試下問自己三個問題。
1、你係咪artist？
2、你想唔想做artist？
3、你係邊種artist？
大家唔好誤會我意思。我唔係真係叫你地走去做artist！呢度個artist，個意思梗係唔係artist！
咁artist係乜嘢意思？
做得artist，都有一個特性，就係好鍾意將啲嘢由零到一咁做出黎。
簡單啲講，即係創作，咁搞創作，最快就係抄或者偷，除非你係達文西！
所以，試下答以上既三條問題。
加油！
日本樣既product，係咪一定要日本製？
所以，不要問我從哪裏來！
Tomato其實點讀？
1989年有一套好經典既愛情小品，叫When Harry Met Sally，電影裏面其中一段對白，就係講tomato點讀，有興趣既朋友，可以揾番套戯睇下，當年既Meg Ryan同Billy Crystal真係好經典！
今次episode唔係講電影，只係因爲今次個topic令我諗起呢套電影，所以先至用黎做左開頭。
今次講既，都係同CX，即係Customer Experience，有關，同大家分享下同音異字喺content marketing裏面既意義。
同音異字好容易會贏到某啲人既eyeballs，一個原因可能係同expectation有關，明明一個字正正常常，但係因爲一班有創意既朋友，玩左第二樣出黎，當一樣本來正常既嘢，變左做另一樣嘢，梗係會引起注目。
但係，呢個世界一樣米養百樣人，你覺得有意思，我可能覺得好無聊，所以你話玩CX，係咪好有意思？
原來食到心形雞蛋仔，都可以有咁多CX既領悟！
呢一集episode，好似有啲亂，但係認真聼，你可能會聼到啲好有意思既嘢。
但係，如果你真係覺得亂，唔知道究竟我講乜，咁重點就係。。。
做任何產品或者服務，唔好比畫蛇添足，搞到自己唔記得左自己本來要做乜！
我唔想用初心，因爲初心呢個字，我覺得好怪。
細個唔讀書，大個做運輸。咁細個做乜嘢，大個先至會做保安？
唔知邊個話知識係力量？
就算真係力量，咁係乜嘢力量？
而呢個力量，究竟應該做乜？
其實知識本身未必係力量，而係知識做到啲乜，先至係真正既力量！
唯一係咪仲係最重要？
喺香港，宜家有乜嘢係唯一？
中環既九記牛腩，太子既美亞菓子，香港仔既海洋公園，跑馬地既新昌明，佐敦既澳牛，太平山既老襯亭，旺角既肥姐，同埋你自己。
當呢個世界有咁多唯一，咁唯一呢個賣點，仲係咪賣點？
如果唯一已經唔係賣點，咁乜嘢係賣點？
喺呢個今日唔知聼日事既AI世代，仲有冇人care你係咪百年老店？
100年，可以係5代同堂，只要夠勤力既話。
100年，可以改變一個人，因爲十年樹木，百年樹人？定係一個人要變，根本同時間冇關？
所以，當喺旺角呢個鬧市見到一間百年老店，係咪會有啲驚喜？
不過，正如玩social梗係睇留言，睇招牌都要睇細字！
