Les Fartures

40 Episodes
Subscribe

By: Les Fartures

Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir). A los 10 años, esti trabayu s’axuntó nuna guía gastronómica colos meyores restoranes, n’asturianu y en castellán, que foi un ésitu de ventes, y tamién el puxu definitivu pa Les Fartures. Dende entós, Les Fartures, amás d’aconseyar restoranes, medró nun sitiu onde asoleyar productos asturianos y lluchar pola so presencia na so...

✂️ Turn this podcast into clips
10 Años del CachopuDay - Umami Xixón
10 Años del CachopuDay - Umami Xixón episode artwork
#418
Yesterday at 6:34 PM

Comenzamos el programa falando con Juanjo Cima, dueñu de Las Tablas del Campillín y de la Taberna Asturiana, que celebra la décima edición del CachopuDay. 10 años faciendo una folixa al rodiu'l cachopu y entamando unes xornaes nes qu'amás, van tener un componente solidariu. Acabamos el programa con Fran, d'Umami Xixón, un sitiu preciosu en frente la Sablera San Llorienzu onde pues facer cursos de cocina, con un éxitu pergrande. Amás, de poder alquilar l'espaciu pa los tos eventos y celebraciones.


Entendíos de Sidre - Montera Picona ya'l Cabrales más caru del mundu
Entendíos de Sidre - Montera Picona ya'l Cabrales más caru del mundu episode artwork
#417
Yesterday at 6:33 PM

Comenzamos el programa falando del primer cursu d'entendíos de sidre, col oxetivu de formar xente col envís de ser xuráu nos concursos de sidre casero. Vamos falar d’esti entamu con Ricardo del Río, y del espoxigue, tamién, de la sidre casero. Finamos el programa charrando con Alejandra y Emilio de la Montera Picona, sidrería de Xixón, qu’acaba de ganar la puya pel meyor quesu Cabrales del mundu xunto con otres 4 sidreríes madrilanes. Tamién vamos cuntar con Wilkin, y falaremos de la importancia d’echar la sidra.


Ca Llechi - Entremeses Repunantes con Sara Ceballos
Ca Llechi - Entremeses Repunantes con Sara Ceballos episode artwork
#416
11/08/2026

Comenzamos el programa falando con Alberto y Marina, de Ca Llechi. Únicos productores de quesu casín, xunto cola quesería Redes. Ya únicos productores de quesu casín en facelo fuera de Redes, en Piloña. Pero amás, faen el quesu Franxón, de pasta blando, onde tamién pues comer la corteza, col qu'acaben de ganar el premiu al meyor quesu artesanu d'Asturies. Y unos cuantos quesos más, de los que vamos charrar con ellos. Acabamos el programa colos Entremeses Repunantes de Sara Ceballos. Repunaremos sobre perros, sobre pagar con tarxeta, sobre'l tratu a los camareros y camarere...


Gaiteros del Carbón - El Gran Show d'Atlas
Gaiteros del Carbón - El Gran Show d'Atlas episode artwork
#415
11/08/2026

Comenzamos el programa falando con Gaiteros del Carbón por cuenta del Conciertu Especial que van entamar pel so décimu aniversariu na Universidá Llaboral esti Xineru qu'entra de 2027. Vamos falar de la so historia, y tamién de la montonera d'invitaos que van traer pal so programa. Acabando, amás, con una canción perespecial. Finamos el programa col Gran Show d'Atlás. Vais poder velo esti sábadu que vien nel Club Tema a les 20h como monologuista. Pero estrénase primero nel nuesu programa con un monólogu sobre gastronomía. Nun vos lo perdáis!


Hola.Tort - La Enoloxía nos llagares de Sidra, con Tano Collada y Cristina Castaño
Hola.Tort - La Enoloxía nos llagares de Sidra, con Tano Collada y Cristina Castaño episode artwork
#414
11/03/2026

Comenzamos el programa falando con Anastasia. Una ucraniana que fuxó de la invasión rusa nel so país p'acabar faciendo pasteles creativos con formes de frutes o frutos secos. Y acabamos el programa falando del mundu la enoloxía nos llagares de sidra. Pa ello vamos cuntar con dos perfiles distintos, Tano Collada, enólogu nel Grupu’l Gaiteru; y Cristina Castaño, freelance que trabaya asesorando dellos llagares n'Asturies y n'Euskadi.


Migaya - El Nuevu Chicolate de Cremela
Migaya - El Nuevu Chicolate de Cremela episode artwork
#413
11/03/2026

Comenzamos un programa llambión en Les Fartures, falando con Rubén de Migaya. Ún casu d'ésitu maraviyosu nel mundu les llambionaes n'Asturies. Un inxenieru y una enfermara qu'axuntaron caminos con Alejandro Montes, pasteleru, p'asoleyar chapones, roques de milenta saborgos, turrones ... Y agora tamién eventos al rodiu d'ellos Acabamos el programa falando con Jose Salas, de Cremela. Famosu pelos sos xelaos artesanos, vien a falanos de los nuevos chicolates qu'acaba de sacar al mercáu. De la faba a la tableta, trayendo cacáu de dellos oríxenes, faen ellos too'l procesu na so fábrica de Cabranes, con dello...


El Patio de Butacas gana'l Top 3 *** Cocktail Bars - Circulo Gastronómico de los Quesos Asturianos
El Patio de Butacas gana'l Top 3 *** Cocktail Bars - Circulo Gastronómico de los Quesos Asturianos episode artwork
#412
10/26/2026

Comenzamos el programa falando con Berto, del Patio de Butacas, la coctelería de La Pola Siero qu'acaba d'algamar les 3 estrelles dientro de los Top Cocktail Bars del mundiu. Ye la estaya más alta dientro'l mundu la coctelería. Como si fora un 3 Estrelles Michelín y namás lo tienen 9 cocteleríes na península ibérica. Y eso facelo na Pola Siero tien, amás, muncho más méritu. 5 min de charra con Berto va bastavos pa davos cuenta que tamos ante un talentu esceicional. Acabamos el programa falando con Javier del Valle, del Circulo Gastronómico de los...


Xornaes de la Seronda de Proaza con La Senderuela - Más Allá d'Asturies con Animales Viajeros (Grecia)
Xornaes de la Seronda de Proaza con La Senderuela - Más Allá d'Asturies con Animales Viajeros (Grecia) episode artwork
#411
10/26/2026

Comenzamos el programa falando de Les Xornaes de la Seronda de Proaza. Vien a visitanos Cristina, Teniente-Alcalde del Conceyu de Proaza; xunto con Estela y Juan Carlos, de La Senderuela. Van falanos del menú que tienen entamáu pa esti fin de selmana y cuntamos los secretinos pa facer un bon pote de castañes. Acabamos el programa viaxando con Natalia d'Animales Viajeros, que va llevanos güei hasta Grecia. Bono, a un cachín d'ella, porque entera daría pa milenta programes.


Llagar Alonso - Acción contra el Hambre
Llagar Alonso - Acción contra el Hambre episode artwork
#410
10/18/2026

Comenzamos el programa falando con Javi, del Llagar Alonso, que con namás 34 años ya lleva 13 al cargu del so llagar, únicu de la cuenca minera, en Ciañu. Amás, dende va unos años mudaron la so mítica sidrería, que primero tuvo en La Felguera y dempués en Sama, al edificiu amestao al llagar. Ellí cocina Mary, so ma, onde vamos de maraviya. Una familia al rodiu la sidra, una familia namorada la sidra con ún de los llagares más prestosos d'Asturies. Acabamos el programa falando con Ágata García d'Acción contra el Hambre, qu'a...


Asturcilla - Guía ilustrada para comer bien en Gijón como un local, de Beatriz Zaera
Asturcilla - Guía ilustrada para comer bien en Gijón como un local, de Beatriz Zaera episode artwork
#409
10/18/2026

Comenzamos el programa falando con Sergio de la Hoz, Asturcilla. Un casu d'ésitu maraviyosu dientro los pequeños productores asturianos, hasta llegar ya a una producción de 700 tarros a la selmana. Lleche, cacao, ablana y aceite ecolóxico. Dende Cabranes al mundiu. Acabamos el programa falando con Beatriz Zaera, qu'acaba d'espublizar la "Guía ilustrada para comer bien en Gijón como un local". Bea escribiólo, ilustrólo y editólo. Amás fala de muncho más que de restaurantes, y too ello nuna guía preciosa. Amás Bea tien la cuenta d'Instagram "El Mordisco del Día", ond...


Vino el Viva - El Furtivu
Vino el Viva - El Furtivu episode artwork
#408
10/12/2026

Comenzamos el programa falando con Tasio Rodríguez, que dende la so cuenta d'Instagram, Vino el Viva, ta falando de vinos dende un puntu de vista nuevu, frescu, y con remangu. Vamos falar con él de vinos, de vinu y mocedá, de la DOP de Cangas ... Mientres tomamos una botella vinu. Acabamos el programa con David Montes, El Furtivu, que vien a presentanos la so llinia de productos, con guisos y embutíos. Va cuntanos cómo y onde los fai, y amás vamos aprovechar pa charrar con él del mundu la caza.


La Previa de Cervecería RIFF - Lo Que Sostiene
La Previa de Cervecería RIFF - Lo Que Sostiene episode artwork
#407
10/12/2026

Comenzamos el programa falando cola Cervecería RIFF, de La Felguera, que van entamar esti sábadu una previa al Festival Derrame Rock con una pinchada de DJ Patxi. Lleven abiertos ya 5 años, medrando poco a poco y apostando pela cerveza asturiana, sobre manera, la d'Asturias Brewing Company, cola so fábrica nel mesmu Llangréu. Acabamos el programa con Adrián, fiu de Jose Luis y Joaqui, de Casa Chema y amás, periodista, que vien a presentar "Lo que sostiene", un videu podcast onde va entrevistar a persones venceyaes cola gastronomía asturiana, empezando, como nun podía ser d'o...


World Steak Challengue - Barhalla
World Steak Challengue - Barhalla episode artwork
#406
10/05/2026

Comenzamos el programa falando del World Steak Challengue, el campeonatu del mundu de maduración de carnes, onde foron Didier Robles, de La Esquina de Gijón y Madurado, xunto cona ganadería Casa Milia, per primer vegada na historia, con una vaca casina de 19 años. Y volvieron con una medaya de playa, y comprométense a tornar l'añu que vien con un güe casín asturianu. Acabamos el programa falando con Serto y Carol del Barhalla. Una cervecería d'Avilés con munches haches, dalgún escudu, estética viquinga y bona cerveza.


La Mar de Tazones - Entremeses Repunantes de Sara Ceballos
La Mar de Tazones - Entremeses Repunantes de Sara Ceballos episode artwork
#405
10/05/2026

Comenzamos el programa falando con Pablo Noval, de La Mar de Tazones. Una cetaria que medró hasta ser una de les más importantes d'Asturies, onde amás, crearon una Fábrica de Conserves qu'esporta a too'l mundiu. Acabamos el programa colos Entremeses Repunantes de Sara Ceballos. Güei, vamos repunar del Rollu Bonitu (cómo non), del Vinu de Cangas, de la nueva moda los cafés-llata y del nuevu furacu na paré de Madrid onde vienden xelaos.


La Saregana - Asador La Costera
La Saregana - Asador La Costera episode artwork
#404
09/28/2026

Comenzamos el programa falando con Yaiza Rimada de La Saregana, una vida dedicada a la ganadería que por mor del preciu la lleche tuvieron de buscar alternatives tresformándola en quesu y yogures. Productos naturales, ensin echa-yos nada raro, onde la palabra sostenibilidá garra sentíu porque podríen medrar, pero prefieren facer bien la producción que pueden controlar. Acabamos el programa falando con Jovino del Asador La Costera, un asador de pexe n'Uviéu, onde'l bon productu y la brasa son los pegoyos del restaurante. Bono, y la manu del parrilleru, claro.


SISGA (Salón Internacional de la Sidra de Gala) - Cafés Arbeyu
SISGA (Salón Internacional de la Sidra de Gala) - Cafés Arbeyu episode artwork
#403
09/28/2026

Comenzamos el programa falando con Llucía Fernández, que vien a falanos del 16 Salón Internacional de la Sidra de Gala, el SISGA. Más de 300 variedaes de sidra de too'l mundiu nún salón de Xixón. Una oportunidá única pa descubrir otres formes de beber sidra, y amás comprobar cómo los llagares asturianos tamién tan apostando per otres formes d'ellaborar sidra, amás de la natural. Acabamos el programa con Iván de Cafés Arbeyu. Un alicantín que tenía'l suañu d'entamar una tienda onde vender y tomar bon café, y acabó faciéndolo...


Gijonudo - Camín de Santiagu con Xurde Morán
Gijonudo - Camín de Santiagu con Xurde Morán episode artwork
#402
09/20/2026

Comenzamos el programa con Darío Escudero, más conocíu nes redes sociales como Gijonudo, que lleva faciendo recetes pa tolos públicos dende cuantayá siendo una de les cuentes con más siguidores nel mundu la gastronomía n'Asturies. Acabamos el programa con Xurde Morán, col que siguimos percorriendo'l Camín a Santiagu. Ya tamos llegando al conceyu de Castroverde, aínda nun llegamos a Lugo, pero tamos bien cerca. Y vamos siguir descubriendo monumentos, paisaxes increíbles y los meyores sitios pa comer nel camín gracies al mayor espertu nel Camín que tenemos n'Asturies.


Nacho Manzano - Tierra Astur
Nacho Manzano - Tierra Astur episode artwork
#401
09/20/2026

Comenzamos celebrando los 401 programes con Nacho Manzano. Vamos charrar con él de les tres estrelles michelín, de qué suponen, de cómo Chus, el so sobrín, fiu d'Esther, entró na maquinaria del grupu Manzano dando tamién nuevos aires a la cocina. De la uniformización de les estrelles, de chigres, de km0 ... Acabamos el programa falando con Juan Carlos Martínez, direutor de comunicación de Crivencar - Tierra Astur, que vien a falanos de la campaña especial pel día d'Asturies (que va durar mientres esti mes) onde quieren llantar pumaraes per Asturies colo vendíu coles sos b...


Nievesita - Aitor Luis Vega con Supermercaos MasYMas
Nievesita - Aitor Luis Vega con Supermercaos MasYMas episode artwork
#400
09/13/2026

Celebramos 400 programes de Les Fartures falando con Nieves González, Nievesita, uno de los fenómenos más prestosos nel mundu del diseñu n'Asturies de los últimos años. Nieves amesta con una naturalidá maraviyosa los diseños más modernos y rompedores pa falar de l'Asturies más tradicional, y eso ta faciendo qu'el so mensaxe llegue a muncha xente con una naturalidá pasmosa. Vamos charrar con ella de compromisu, diseñu y tamien de les torgues que tien pa qu'el so arte medre. Acabamos el programa falando de quesu con Aitor Luis Vega. Nesta ocasión vien acompañáu de...


Gochu Asturcelta - Juan Luis García
Gochu Asturcelta - Juan Luis García episode artwork
#399
09/13/2026

Comenzamos el programa falando con Moisés Noval, presidente de l’Asociación de Criadores del Gochu Asturcelta, que vien a presentanos la edición especial d'esti añu n'Agrosiero dedicada al Gochu Asturcelta, con dós díes enllenos d'actividaes. Amás, vamos charrar con él de la situación anguaño de la raza autóctona. Acabamos el programa falando con Juan Luis García, sumiller Murcia, que vuelve al programa a falar de los vezos actuales de consumu de vinu y la sidra.


Miel Outurelos - Maruxa
Miel Outurelos - Maruxa episode artwork
#398
09/07/2026

Comenzamos el programa falando con Alberto Uría, de Miel Outurelos. Na llende con Galicia, lleva faciendo casi 20 años miel de la meyor calidá con una filosofía que vas atopar en pocos sitios. Respetu, conocimientu, amor y paciencia. Otru camín siempre ye posible, y con Berto atopamos qu'amás traduzse nel meyor miel. Un sabiu que visita Les Fartures. Acabamos el programa con Hugo Priede, qu'acaba d’abrir en La Felguera’l so propiu restauran, Maruxa. Una propuesta distinta, onde afonda'l camín qu'empezó cuando taba na Cervecería La Industria. Vamos charrar con él de qué da de comer, pe...


Tertulia de Repunantes - Repunancies de Branu VII de Xandru Martino
Tertulia de Repunantes - Repunancies de Branu VII de Xandru Martino episode artwork
#397
09/07/2026

Comenzamos el programa con una Tertulia de Repunantes, que nun facíemos una dende cuantayá. Axuntamos a bonos repunantes, Sara Ceballos, Javi Solís, El Vieyu Repunante y Aida Antuña pa falar, meyor, pa repunar, de dellos temes: los hoteles namás que p'adultos, el preciu la sidra, los influencers ... y muncho más. Y pa facer el programa completu, acabamos cola cabera entrega de les Repunancies de Branu de Xandru Martino. El colofón final a tou un branu repunando.


Juan Luis García Top 5 Sumiller - La Cultura del Fueu con Xuan F. Piloñeta
Juan Luis García Top 5 Sumiller - La Cultura del Fueu con Xuan F. Piloñeta episode artwork
#396
08/31/2026

Comenzamos el programa falando con Juan Luis García, Sumiller Murcia, al qu'acaben de nomal Top 5 Sumiller d'España d'una clasificación de 100. Vamos charrar con él de lo que supón esti premiu, del méritu que tien algamalo ensin tar nuna estrella michelín, y de la cultura del vinu y la sidra. Amás ganó'l premiu a la meyor carta de vinos asturianos d'Asturies. Acabamos el programa con Xuán F. Piloñeta, presidente de la Fundación Belenos, que vien a falanos de la cultura del fueu n'Asturies, nos tiempos onde munchos moces y moces ya nun viero...


Panadería Masa Madre - Confitería Las Violetas - Repunancies de Branu (VI) con Xandru Martino
Panadería Masa Madre - Confitería Las Violetas - Repunancies de Branu (VI) con Xandru Martino episode artwork
#395
08/31/2026

Comenzamos el programa falando con Jose Manuel Álvarez, de Panadería Madre Tierra, en Llaíñes (Sobrescobiu). Lleva 30 años faciendo pan ecolóxico n'Asturies, y vamos charrar con él de la so trayeutoria, de les dificultaes que tenía daquella p'atopar el productu, de cómo cambiaron (pa bien y mal) les tendencies del mercáu y tamién de lo duru de la profesión. Dempués vien a visitanos Eugenia Entrecarte, de Confitería Las Violetas, una uruaguaya qu'abrió va poco más d'un mes la so propia confitería. Una historia preciosa hasta llegar a cumplir el so sueñu. Y pa...


Sidra Frutos - Falemos de Pan con La Miga de Mariana (Claudia Hermida)
Sidra Frutos - Falemos de Pan con La Miga de Mariana (Claudia Hermida) episode artwork
#394
08/23/2026

Comenzamos el programa falando con Gustavo Costales, de Sidra Frutos. 4ª xeneración faciendo sidra nel conceyu de Villaviciosa. Vamos falar con él del relevu nos llagares, de mazana, de profesionalización, y sí, tamién del preciu la sidra. Acabamos el programa falando con La Miga de Mariana, que vien acompañada de Claudia Hermida. Una brasileña faciendo pan n'Avilés qu'acabó axunto'l camín con una avilesina que facía pan n'Edimburgo. Una historia per guapa al rodiu del pan que vienen a cuntanos a la radiu.


Amarás Cocinar - Lluna Cerámica - Les Repunancies de Branu (V) de Xandru Martino
Amarás Cocinar - Lluna Cerámica - Les Repunancies de Branu (V) de Xandru Martino episode artwork
#393
08/23/2026

Comenzamos el programa falando con Cristina Fanful, más conocía nes redes sociales como Amarás Cocinar. Una cuenta onde fai recetes cencielles, y por mor de la qu'espublizó va un tiempín un llibru con más de 70 recetes asturianes. Siguimos falando con Mar Muñóz, La Lluna Cerámica, que lleva dende cuantayá en Caliao faciendo muncho más que cerámica. Mar investiga, fala coles persones más mayores, documenta, fai semeyes, y amás, fai cerámica y esposiciones dando cursos perguapos. Acabamos el programa coles Repunancies de Branu de Xandru Martino. Capítulu V. Cachopos y los c...


Quesería Redes - Rubén Díaz
Quesería Redes - Rubén Díaz episode artwork
#392
08/17/2026

Comenzamos el programa falando con Marigel y Natali, de Quesería Redes. Marigel, unes de les persones más importantes del quesu asturiano foi la encargada que nun se perdiera'l quesu Casín, y d'algamar la DOP pa garantizar el so futuru. Vamos charrar con elles d'un camín que nun foi fácil pero que ye apasionante. Acabamos el programa con Rubén Díaz, profesor de cocina dende cuantayá en delles escueles d'hostelería d'Asturies, dende va unos años, na de Xixón. Vamos falar con Rubén de vocación, de mocedá, d'horarios, de tirar espumaderes y de MasterChe


La Rula d'Avilés - Camín a Santiagu (Baleira) - Les Repunancies de Branu IV con Xandru Martino
La Rula d'Avilés - Camín a Santiagu (Baleira) - Les Repunancies de Branu IV con Xandru Martino episode artwork
#391
08/17/2026

Comenzamos el programa falando con Ángel Muñóz y Mario Pida, de la Rula d'Avilés. Vamos afondar con ellos en too'l trabayu que faen porque nun conocemos malapenes de la xestión que faen una de les rules más importantes d'Europa. Hominos, Xarda, Bonitu y Merluza son les estrelles de la casa, y non, nun son los responsables de qu'atopemos el nome de "Rapito" en dellos sitios. Vamos depurando responsabilidaes. Continuamos faciendo'l Camín a Santiagu con Xurde Morán, tamos nel Conceyu de Baleira, ya cerca de Lugo. Vamos falar de bonos sitios onde manducar, y de la mural...


Monasterio de Corias - Entresemes Repunantes de Sara Ceballos
Monasterio de Corias - Entresemes Repunantes de Sara Ceballos episode artwork
#390
08/10/2026

Comenzamos el programa falando con Víctor, dueñu y xerente de la Bodega de Cangas Monasterio de Corias, la más antigua y que más producción tien de toes. Víctor ya vino va un par d'años al programa pero tien delles novedaes que cuntanos: el so primer vinu espumosu, un nuevu vinu de namás 11 graos, dellos premios ... Acabamos el programa colos Entremeses Repunantes de Sara Ceballos. Güei vien a repunanos de la xente que comparte 1 menú, de les llárimes d'OTEA por cuenta la propuesta de prohibición de fumar nes terraces, de los fartones...


La Senderuela - Raigaños - Les Repunancies de Branu III, de Xandru Martino
La Senderuela - Raigaños - Les Repunancies de Branu III, de Xandru Martino episode artwork
#389
08/10/2026

Comenzamos el programa falando con Estela y Juan Carlos, dueños de La Senderuela, que vienen acompañaos de los sos fíos, Adrián y Paula. Restaurante asitiáu en Proaza, na carretera xeneral, antiguu negociu testil, preciosu, remocicáu nesti preciosu restorán, onde les setes tienen protagonismu. Continuamos con Estefanía, de Raigaños, la tienda de productos asturianos más prestosa de Cuideiru, y una de les más guapes d'Asturies. Vamos falar con ella, de cómo ye posible vender otra Asturies n'ún de los sitios más turísticos d'Asturies, y amás vamos falar con...


Farragua - Palabres Vieyes de Borja Alcázar con Molín del Nora
Farragua - Palabres Vieyes de Borja Alcázar con Molín del Nora episode artwork
#388
08/02/2026

Comenzamos el programa falando con Ricardo de Farragua. Ún de los meyores restaurantes que tenemos n'Asturies, allugáu bien cerca la estatua de Pelayu de Xixón. Ricardo ya viniera al programa cuantayá, pero dende entós ganó un Sol Repsol, un Bib Gourmand na guía Michelín y tenemos munchos más temes que falar con él: vocación, egos, personal ... Acabamos el programa coles Palabres Vieyes de Borja Alcázar del Abrelatas, que vien acompañáu d'Olegario, de Moín del Nora. Famosu per milenta pubs de la nueche na Pola Siero, pela so Sangre del Tuno, foi de los prim...


Casadiellas de la Llana - La IA y La Miga de Mariana - Repunancies de Branu II con Xandru Martino
Casadiellas de la Llana - La IA y La Miga de Mariana - Repunancies de Branu II con Xandru Martino episode artwork
#387
08/02/2026

Comenzamos el programa falando con Guillermo y Sandra de Casadiellas de la Llana, una empresa que lleva pocu tiempu pero ya ye too un ésitu ellaborando -namás y namenos-, que casadielles. Dende La Pola Ḷḷena. Siguimos con Mariana, que vien a facer un alderique perinteresante sobre l'ameyora de procesos por cuanta la IA. ¿La IA na Miga de Mariana? Tendrás qu'escuchar el programa pa sabelo. Acabamos el programa con Xandru Martino y les sos Repunancies de Branu. Güei con hestories que de nun xurate que son ciertes, de xuru que nun les creyíes.


Juanjo Arrojo - Más Allá d'Asturies con Animales Viajeros (Capitales Andaluces)
Juanjo Arrojo - Más Allá d'Asturies con Animales Viajeros (Capitales Andaluces) episode artwork
#386
07/26/2026

Comenzamos el programa falando con Juanjo Arrojo, ún de los grandes fotógrafos d'Asturies, y la persona que más retrato la etnografía y la gastronomía n'Asturies. Vamos charrar con él de la so historia, de los sos trabayos más reconocíos y tamién de cómo ye asemeyar el paraísu. Acabamos el programa con Natalia d'Animales Viajeros, que va llevanos a percorrer les capitales andaluces. De xuru que nun les conoces toes, asina qu'esti ye un bon programa pa qu'entames una escapadina a cualesquier d'elles.


Casa Alfonso - Camín de Santiagu con Xurde Morán - Les Repunancies de Branu con Xandru Martino
Casa Alfonso - Camín de Santiagu con Xurde Morán - Les Repunancies de Branu con Xandru Martino episode artwork
#385
07/26/2026

Comenzamos el programa falando con Cami Bada, de Casa Alfonso. Restaurante allugáu n'Oceño, nel valle altu de Peñamellera. Un templu de la bona cocina, famosu pelos sos tortos con cabrales y picadiellu, y cabritu d'aquella fastera con patatinos. Siguimos con Xurde Morán, tamos n'A Fontaneira, y vamos falar de músicos ciegos, de grandes batalles na domina del reinu asturianu, tamién de batalles escontra los frances y cómo non, de dalgún chigrín. Acabamos el programa entamando una nueva seición con Xandru Martino, escritor, filólogu, traductor, lletrista, académicu de la llingua...


La recuperación del Maíz Asturianu con Tarucu - Entremeses Repunantes con Sara Ceballos
La recuperación del Maíz Asturianu con Tarucu - Entremeses Repunantes con Sara Ceballos episode artwork
#384
07/20/2026

Comenzamos el programa falando con Tarucu, conceyu pa la recuperación y la memoria la cultura'l maíz n'Asturies. Vienen al programa Miguel Sierra, Moisés Noval, Javier del Valle y Verónica, integrantes de Tarucu. Vamos falar con ellos de toles actividaes qu'entamen y tamién de la importancia del maíz n'Asturies. Acabamos el programa colos Entremeses Repunantes de Sara Ceballos. Güei vamos falar de les coles nes sidreríes, de les panaderíes que ya son Bakeries, del meyor pescao ye'l madrilanu y de los precios dinámicos. Venimos cargaos de repunancies!


La terraza de Mi Candelita - Sidrería Canteli y la Gastrificación
La terraza de Mi Candelita - Sidrería Canteli y la Gastrificación episode artwork
#383
07/20/2026

Comenzamos el programa falando con Fran Heras, de Mi Candelita, que vuelve al programa a falar de La Calma, la nueva terraza qu'inauguró esti branu na parte d'atrás de Mi Candelita. Elli desendolca un conceutu más informal que nel restauran, pa picar dalgo viendo les maraviyoses vistes sobro Bañugues y la so sablera. Y de pasu, vamos falar de temes como'l personal o la conciliación y la hostelería. Acabamos el programa falando con David Tejerina, propietariu y cocineru de Sidrería Canteli. Amás de too ello, ye activista de milenta lluches sociales mientres munchos años, y...


As Pedreiras - Buenavista - El Cuco
As Pedreiras - Buenavista - El Cuco episode artwork
#382
07/12/2026

Comenzamos el programa falando con Laura y Juan, qu'acaban d'abrir un chiringuitu nel área recreativa d'As Pedreiras, en Porcía, nel conceyu d'El Franco. Juan a les brases, y Laura a los mandos de los vinos, quieren ofrecer un puntu distintu más de calidá pa poder comer y beber bien. Seguimos con Rafa Raigoso, qu'acaba tamién d'abrir el restaurante Buenavista en Perlora, con unes vistes precioses sobre la mar. Arroces, guisos, bona cocina asturiana, enllena de bon productu. Rafa quien alloñase del típicu sitiu pa turistes pa facer una cocina curiosa de calidá. Acabamos el programa con Marí...


Native - HidroMiel Fest - Cafés El Gallu
Native - HidroMiel Fest - Cafés El Gallu episode artwork
#381
07/12/2026

Comenzamos el programa falando con Native, vuelven a Les Fartures, porque crez la familia con Edy y Kevin, dándo-y un cambéu de rumbu al restaurante p'alloñase d'esa sofisticación de los etiquetaben pa caltener esa gastronomía popular que tanto-yos (y nos) presta. Continuamos con Samuel, de Zángana Hidromiel, que vuelve a entamar esti fin de selmana qu'entra en Candas l'HidromielFest. Vien a cuntanos les novedaes y tolo que nun te pues perder del Festival. 17 y 18 de Xunetu en Candás. Acabamos el programa con Juanjo y Rosi, Cafés El Gallu. Xunión astur-peruana pa trayer lo...


Asturcels - Nueche de San Xuán con Xuan F. Piloñeta
Asturcels - Nueche de San Xuán con Xuan F. Piloñeta episode artwork
#380
07/05/2026

Comenzamos el programa falando con Asturcel, una nueva asociación creada al rodiu la celiaquía. La so idea ye ameyorar la concienciación sobre la enfermedá, y pa ello cuntamos con Eugenia Tellez, Asturceliaca; Aida Maestro, doctora especialista en medicina deportiva; y Jose Manuel Caso, téunicu n'industria alimentaria y docente. Acabamos el programa con Xuan F. Piloñeta, presidente de la Fundación Belenos, que vien a falanos de la Nueche de San Xuan. Lleendes, gastronomía, ritos ... De xuru que vas conocer munches de les coses de les que vamos falar, y otres ... Non.


Yo vine equí a falar del mio llibru con María Herrero - Madurado
Yo vine equí a falar del mio llibru con María Herrero - Madurado episode artwork
#379
07/05/2026

Güei yo vine equí a falar del mio llibru, pero non de cualesquier manera. Vino a Les Fartures, María Herrero, que de normal veisla faciendo los informativos na TPA, con una imaxe muncho más seria, a falar de Les Farturrutes 2. Dempués vienen Didier Robles, de La Esquina de Gijón, campeón del mundu de maduración de carnes; y Sergio Prieto, de La Excusa Perfecta, que tan a piques d'abrir un nuevu restaurante en Xixón: Madurado. Carnes maduraes, delles races, incluyíes les asturianes, y bona bébora, nun conceutu nuevu na ciudá.