Artg musical

15 Episodes
Subscribe

By: Radiotelevisiun Svizra Rumantscha (RTR)

L'Artg musical collia la diversitad musicala cun la profunditad schurnalistica. En mintga emissiun discutescha la redactura/ il redactur da RTR ensemen cun ils giasts davart musica da chors, brass, classica e temas actuals or da la scena da musica.

✂️ Turn this podcast into clips
Dovri anc musica live?
Today at 10:03 AM

Festivals cumbattan cun custs che creschan e cifras da visitadras e visitaders regressivas. In organisatur, in’entusiasta ed in musicist discurran davart la relevanza ed il plaschair da la musica live. L’Artg Musical sa fatschenta cun la dumonda da la relevanza da festivals e musica live en general. Ils trais osps Rolf Caflisch, Tamara Jemmi e Carlo Caduff discutan quella dumonda ord vesta dal organisatur, da la visitadra e da l’artist sin tribuna. In’emissiun plain musica live, las emoziuns ch’ella sveglia e tge difficultads chi dat.


In sguard sin l'ovra musicala da Paulin Nuotclà
11/10/2026

Ils 11 da november 2026 avess il chantautur engiadinais Paulin Nuotclà pudì festivar ses 75avel anniversari. L'«Artg musical» dat perquai in sguard sin el e sias numerusas ovras. Ensemen cun in da ses cumpogns, Arnold Rauch, ses nev Curdin Nicolay ed il musicist e producent Pascal Gamboni, dat RTR in sguard sin l'ovra musicala dal pionier dal rock rumantsch – quai cun laschar resunar varsaquantas da sias chanzuns, sa regordar ad intgins muments cuminaivels, sco era cun dar in sguard sin ses ultim album «Be per ün cuort mumaint» ch'il producent tuatschin Pascal Gamboni ha registrà ensemen cun Paulin Nuotclà en sia stiva a Sus...


Pertge taidla la glieud insumma musica?
11/05/2026

Cun dumandar exact quai differentas persunas en la Rumantschia è l'«Artg musical» ì a la tschertga da respostas. Respostas che paran d'esser uschè diversas sco ils stils da musica ch'existan. Tedlar musica è insatge che pli u main mintgina e mintgin fa en ses mintga di. Ils motivs ed ils muments pertge che glieud sa deditgescha a questa actività san dentant esser daltuttafatg differents. Insatge para dentat tuttina d'esser cuminaivel: musica fa insatge cun nus umans, independent da la persuna u era dal stil da musica. Per dar in sguard sin questa tematica lascha l'emissiun discurrer a differentas persunas davart lur mund da musi...


Duri Janett – musicist cun corp ed olma
10/29/2026

Il cornettist e chantadur giauda da sunar e chantar, da s'engaschar per il chant e la musica instrumentala. Auter che ses frar vegl Jachen (*1946) ed il segund frar Domenic (*1949) n'ha Duri Janett (*1951) betg enchaminà la via da musicist professiunal, malgrà ses dun musical. Sia encreschadetgna per la patria è stada memia ferma ed uschia ha el vivì sia passiun per la musica cun s'engaschar en la regiun Engiadina. E quai ha el fatg cun corp ed olma en chant e musica instrumentala. En «L'Artg musical» raquinta el da sia vita musicala.


Hobi: sunar tiba
10/21/2026

L'Artg musical sa deditgescha a l'instrument tradiziunal che munta per blers era patria. L'emissiun porta suns e tuns d'in’emprova dals Sunatibas Postabiala cun ses manader Martin Monn, in discuors cun Curdin Stecher, in construider da tibas ed entras Felix Frank da l'Associaziun grischuna da jodladers datti er invista en questa scena da musica en il Grischun ed en la Svizra. E quella mussa ch’i dat er tar las tibas innovaziuns e svilups schizunt fitg moderns.


«Chanzuns han ins da scriver en il mument ch'ellas vegnan»
10/13/2026

L'Artg musical dat in sguard sin la via musicala dal chantautur grischun, Linard Bardill. L'artist ch'è oz cunzunt enconuschent per sias chanzuns d'uffants, ha tranter auter era laschà inspirar da numerus texts da Men Rauch. Il musicist grischun cun ragischs en Engiadina Bassa e Val Müstair e creschì si a Cazas. Oz viva el a Scharans. Gia da giuven ha el cumenzà a chantar ed accumpagnar chanzuns cun la ghitarra e pli tard lura era a scriver atgna musica, quai cunzunt era pervi da sia grond'amur per litteratura. Metter en musica poesias è per Linard Bardill adina stà ina sort process...


Müravglius – musica ord la Val Müstair
10/07/2026

L’«Artg musical» preschenta l’istorgia d’in nov portatun. In disc cumpact, ma er ina platta da vinil tradiziunala cun musica jaura – quai è stà in giavisch dad Alfred Künzler, chirurg pensiunà ch’abitescha a Lü. Ensemen cun il clarinettist Stephan Britt, che ha ses domicil er en Val Müstair, ha el pudì realisar quest giavisch. En l’«Artg musical» discurrin nus cun ils dus protagonists co els han realisà il project. Ed a pled vegn era l’anteriur plevon Hans-Peter Schreich ch’enconuscha fitg bain l’istorgia culturala da la val.


20 onns Chor Uvriu
09/30/2026

Il chor maschadà da Danis-Tavanasa ha festivà ses giubileum cun in’idea innovativa. Il Chor Uvriu Danis-Tavanasa exista dapi il 2006. Ses giubileum ha el festivà en duas etappas: ina turnea da concert a Zuoz e Vignogn ed in concert da giubileum. Per il concert da giubileum ha il chor laschà scriver noss cumponists en tut 10 novas cumposiziuns cun texts da convischins da la vischnanca da Breil. In’idea innovativa che ha era fatg smirvegliar. En l’emissiun datti ultra dals discurs cun ils responsabels era da tadlar tuttas cumposiziuns novas.


La LBB sin sia via al Swiss Open Contest
09/24/2026

Gia per la 11avla giada participescha la Liberty Brass Band a la concurrenza, questa giada er cun in solist rumantsch. A la 36avla ediziun dal Swiss Open Contest, la concurrenza da las meglras Brass Bands svizras, avain accumpagnà la Liberty Brass Band cun ses dirigent Stefan Roth ed il Principal cornetist Simon Gabriel. Per il giuven Engiadinais èsi ina premiera, la sfida ed il squitsch èn gronds, ses plaschair dentant era. En l'Artg discurran omadus davart lur preparativas ed ils exercizis.


Benedetto Vigne – ina vita en musica
09/17/2026

Da la glioir da pasca fin melodias da mi’tatta – in’ura musicala cun il musicist surmiran. El è trubadur, musicist, litterat e pionier en pliras manieras. Benedetto Vigne ha passentà ina gronda part da sia vita cun la musica. Saja quai sco entusiast, musicist ubain redactur. Per el saja la musica ina passiun ed insatge che ha adina puspè gidà en sia vita.


Uau - per ö!
09/10/2026

L'ensemble ö! vegn onurà cun il premi da musica svizzer 2026. Dapi il 2002 exista l'ensemble ö! Tenor l'Uffizi federal da cultura haja l'ensemble francà la musica nova en ina regiun nua che questa sparta musicala n'existeva quasi betg. L'ensemble haja cun mirveglias e consequenza midà quai ed avert a blers e bleras novs munds musicals. Duas persunas ch'èn dapi l'entschatta en la furmaziun ö! èn ils fargliuns Riccarda e David Sontòn Caflisch. Ensemen cun auters fan els dapi passa dus decennis musica nova, musica contemporana. Ils dus fragliuns èn ils osps en l'emissiun da quest "Artg musical".


Brassweek Samedan 2026
09/01/2026

L'«Artg musical» dat in sguard enavos sin la Brassweek Samedan che ha gì lieu questa stad per la 15avla giada. En il center da l'emissiun stattan tuns, impressiuns e discurs cun differentas persunas ch'èn stadas part da la 15avla ediziun da quest'emna da musica cun renum internaziunal. Sper discurs cun Reto Caflisch e Ludwig Wilhalm ch'èn dus dals iniziants da l'emna, ha RTR era discurrì cun intginas participantas e participants da l'eveniment. La marca da quest'occurenza da musica: ina convivenza famigliara tranter profis, studentas ed amaturs da musica instrumentala.


Ina musicista universala ha 70
08/25/2026

La chantadura e musicista ch'è returnada il 2009 en sia patria a Rueun, festivescha quest onn ses anniversari rodund. Corin Curschellas crescha si en la chapitala grischuna ensemen cun il frar giuven e passenta in'affonza e giuventetgna cun blera musica e pauc rumantsch. La mamma chantava ed il bab sunava clavazin, improvisava, sunava er jazz. Dapi passa 50 onns tutga Corin Curschellas tar la scena da musica svizra e n'è betg stancla d'instradar novs project. Dapli dad ella e da sia vita musicala raquinta ella en l'Artg musical.


50 onns «Scoula da musica Engiadina Bassa I Val Müstair»
08/20/2026

La «Scoula da musica Engiadina Bassa I Val Müstair» festivescha ses 50avel anniversari. In mez tschientaner nua che nundumbraivels tuns, melodias e talents han fatg resunar duas valladas muntagnardas. A chaschun da quest giubileum ha RTR discurrì cun trais dunnas che han ina colliaziun cun questa scola: l'emprima presidenta e pli tard manadra da la scola Flurinda Raschèr, la scolasta d'accordeon Sidonia Caviezel e la giuvna musicista da 12 onns Noemi Koller raquintan en l'«Artg musical» da lur colliaziun cun questa scola che ha contribuì enorm a l'entira regiun.


Gion Cadieli – spiritual e poet
08/16/2026

La pura, Gl’unviern ei cheu, Politica ni La parlera, quai èn ils titels d’intginas da sias poesias messas en musica. Il spiritual e poet Gion Cadieli, oriund da Sagogn, è naschì avant 150 onns. Ses relasch litterar è enconuschent be pli a paucas persunas, malgrà che sias poesias èn la basa d’intginas chanzuns enconuschentas e fitg enconuschentas. L’Artg musical va sin ils fastizs dal poet e da sia ovra.