Mahlakung

#Mahlakung –Taba ya kamano ya Phetola le Mabatho e tshwentše Badgirl kudu e bile re kwa a botša Millicent gore ba dire gore go be le letšatši la boditšhabatšhaba la go thibela go tšea banna ba basadi ba bangwe.Se se a makatša ka gore le yena o tšeetše Rethabile Kgokong ba le aletareng ba nyalana? Tabe ye e re ruta le go re lemoša eng?

#Mahlakung –Masedi o botša Mabatho gore ge eba ngwana wo a mo imilego ke wa Phetola, a ka se mmelege,o tla phela fela ge e le gore ke wa Jonjon.Naa Masedi o hlatha eng ka mantšu a gagwe? 

#Mahlakung –Mamabona o botša Petronella gore ge a be a le kua kerekeng ya Matsobane meririri ya gagwe e be re tšhiiirrrrr, a bethwa ke letswalo kgafetša kgafetša, maoto a gagwe a thitšhana a thekesela ,e bile o mmotša gore a ka se sa le bea kua kerekeng ya gagwe.Batho ba nale go kwa meriri ya bona e tšhaba ge ba feta mafelong a mangwe.Naa go tla ba go diragala eng ka lefelo leo?

#Mahlakung –Jonjon o botša Brandon gore a thome go diša mesepelo ya Phetola le Mabatho, gomme moo a ba bonago gona ba le mmogo, a mo tsebiše gore a tle a fetše ka bona. Jonjon o tletše ka pefelo ka seo Phetola le Mabatho ba mo dirilego sona e bile re a kwa o nyaka go itefeletša ka go ba bolaya.Naa ke gona ge bare motho o fetolwa ke batho ka gore re tseba  Jonjon e le motho wa go loka?

#Mahlakung !Go dumaduma dipolelo tša kamano magareng ga Dr Lethebe le Pokane yoo e bego e le molaodi wa sepetlele sa FG Kopa kua morago e bile a ile a ratana le Dr Lethebe.Ka se sebaka go kwagala a le Kapa.Naa Matsheko a ka boelelana le Pokane ka gore ga a sa nyaka go kwa selo ka Phetola?

#Mahlakung –Bra Bizza o utsweditšwe tšhelete,gomme bagonolelwa ke  Phetola le Robert. Bobedi ga bona,ba a latola ga ba tsebe selo ka tšhelete yeo, Robert o botša Bra Bizza gore go tseba mang e kaba Sophia.Naa tšhelete ya Bra Bizza e utswitšwe ke mang?

#Mahlakung –Matsheko o botša morwedi wa gagwe Masedi gore yena a ka se kgone Phetola .Naa se se hlatha eng, a e kaba o a hlala? 

#Mahlakung –Mabatho le Mpedi ba a fapana e bile re kwa Mpedi a kgopela Mabatho gore a ba šuthelele lapeng la gagwe le Malehu ka gore ga ba kwane.Mabatho o mmotšiša gore o kgetha go thekga Malehu go ena le go thekga yena kgaetšedi ya gagwe.Naa ge go nale lerole magareng ga molekane wa gago le moratho goba buti goba sesi wa gago, o eme ka lehlareng la mang , la dikgaetšedi goba molekane  goba taba sehlola mpherefere?

#Mahlakung –Jonjon o botša Matsobane gore Phetola o mo tlaišitše go lekane , gomme o nyaka gore ge a mmona, a tšhabe.Naa Jonjon o rera go dira eng ka Phetola?

#Mahlakung Mmalo! Alfios o botša Jonjon gore a tle le mogokolodi a o hlabe ka selo se bogale gomme ge o kudupana ,a tle a mo fe wona gore a kgone go mo thuša gore a itefelatše go Phetola ge a mo gatetše mašemo ka Mabatho?Joo ,naa  taba tša Alfios di tla šoma goba o dio inyakela tšhelete ka gore ga se ngaka?

#Mahlakung –Titi o botša Bra Bizza ka fao a itsholago ka gona ge a ile a dumelela Rethabile a ratana le Robert.Naa go nale ka fao a ka phološago bophelo bja Rethabile go Robert le Bra Bizza ka gore re a kwa gore Rethabile o tagilwe ke lerato leo a nago le lona go Robert ,ga a theeletše motho , o lwa le ba gabo,e bile o tshepa le go rata Bra Bizza bjalo ka ratswale wa gagwe?

#Mahlakung –Matsheko o nale Bra Bizza o mmotša gore magareng ga gagwe le Phetola go fedile, e bile o re ge a nagana ka yena ,o kwa a mo nkgela e bile o ka re a ka hlatša. Naa ruri Matsheko go reng a senya Phetola leina go lenaba la gagwe Bra Bizza, o hlagelwa ke eng? 

#Mahlakung –Rethabile o befeletšwe Petronella e bile re kwa o mmotša gore  ba thabe ka gore Robert o tšhabile mo Mahlakung.Petronella o mo eletša  gore a kgaogane le Robert sa ruri?Naa Robert o kae ga naga,go diragala eng ka yena?

#Mahlakung –Titi o kgopela Matsobane gore a mo thuše go dira gore Rethabile a seke a sepela le Robert, e bile re kwa a nyaka thušo ya Santara.Matsobane o mmmotša gore monagano wa gagwe ga o sa kgona go šoma .Naa Matsobane o hlagelwa ke eng hle batho? 

#Mahlakung –Mochichi o botša Konstabel Mpedi gore go kaone ge go kaba le dilo tša bana go swana le Presidente ya bana le kgorotsheko ya bana ka gore ga gona yo a elago bana šedi, ka gore ga bjale o gana a bulela tatagwe Matsobane le Alfios molato wa go nyaka go mmolaya gomme o botšwa gore a tle le mmagwe , gomme yena o bolela gore mmagwe, a ka se dumele go swariša monna wa gagwe.Ke tšona tšeo di bolelwago ke Mochichi goba o a di gagatla?

#Mahlakung –Phetola o botša Badgirl gore ge Matsheko a be a ratana le Pokane,Mojela Mojela le Jonjon go reng ba be ba sa bolele, gobane ba šetše yena morago ka kamano ya gagwe le Mabatho,e bile o botša Badgirl gore yena o a itefeletša go seo Jonjon a kilego a se dira sa go ratana le Matsheko,naa boitefeletšo bjo bjalo ka bjo, bo lokile goba Phetola o a di gagatla?

#Mahlakung –Matsheko o botšiša Jonjon gore nkane a koba Mabatho ka gae mola a imile, Jonjon o mmotša gore ngwana wo Mabatho a mo imilego ga se wa gagwe e bile yena a ka se dule le mmolayi ka ga gagwe.Naa malapa a ga Sethosa le Lethebe ke gona a thubegile ka gore le Matsheko o kobile Phetola lapeng la bona? 

#Mahlakung –Matsobane o botša Alfios gore yena le Mpedi ge ba ka epolla seo se epetšwego kua kerekeng ya gagwe ba boa ba phela ,e tla ba mahlatse.Naa Matsobane o hlatha eng ka se,gona ke eng yeo e epetšwego yeo e dirago gore yo a ka e bonago, a hwe?

#Mahlakung –Saki o botša Sebjalebjale gore ga a nyake go kwa selo ka Phetola ka gore ke yena a dirilego gore a lobe ditšhelete tša gagwe.Naa re ka bona Saki a tlogetše go šoma ga Lethebe ke lebaka la taba ye, gona re ka bona Phetola a ile kgolegong? 

#Mahlakung –Jonjon o befetšwe kudu e bile re kwa a botša Konstabel Mpedi gore ge a sa rwalarwalane le Mabatho ba ya go bulela Phetola molato wa go kata Mabatho, gona a se sa tla ka ga gagwe.Joo gape se ke bothata bjo bogolo, naa ge Mabatho a ka se dumele go bulela Phetola molato maphodiseng, ke gona ge kamano ya Mpedi le Jonjon e fedile?

#Mahlakung –Robert o a e fehla ntwa ya kgaphamadi ka lapeng la ga Lethebe le la ga Sethosa.O leleditše Mabatho mogala go mmotša gore a tsebiše Phetola gore o imile, ge a ganetša,a bule molato wa gore o mo katile. Naa gabotse yo Robert, o nyaka go fihlelela eng ka se?

#Mahlakung –Mochichi o ile setišing sa maphodisa go bula molato wa go nyaka go bolawa ka sethunya ke Alfios le tatagwe Matsobane ka lebaka la lebitla leo Mochichi a rego le ka jarateng ya kereke ya tatagwe.Naa re ka bona Matsobane le Alfios ba swerwe goba ra bona maphodisa a eya go epa lebitla leo go bona gore go epetšwe eng.Gona Matsobane o tla e dumelela taba ya gore ba ye kgolegong goba o ya dira eng go boloka seriti sa gagwe? 

#Mahlakung –Mabatho o botša Masedi gore tatagwe Phetola , o mo phaile theto  ka kgang.Naa lebaka la gore Mabatho a bolele taba ye kaa ka Phetola ke lefe ka gore yena le Phetola ba kwane gabotse, gore Phetola a mo imiše ka gore Jonjon o nale bothata?

#Mahlakung –Phetola o botša Tumi gore yena o be a swina Jonjon ge a ratana le Mabatho ka gore kua moragonyana, Jonjon o ile a ratana le Matsheko.O bolela gore Jonjon a ka se jele ka mogopong o tee le yena.Naa ke bjona boitefeletšo bja maleba bjo ka gore ge Jonjon le Matsheko ba ratana , Phetola o be a kgaogane le Matsheko a ratana le Sophia? 

#Mahlakung –Masedi o botša Badgirl gore tatagwe Phetola ga a robale gae, mabarebare a re o dula guest housing tsoko.Badgirl o mmotša gore  ba swanetše go mo nyaka ba tsoše mmudubudu?Naa Badgirl o hlatha eng ge a re, ba tsoše mmudubudu?

#Mahlakung –Phetola o leka go lokiša kamano ya gagwe le Matsheko morago ga gore Matsheko a mo humane a nale Mabatho ba hloboletše guest house tsoko.Matsheko ga a sa nyaka go kwa selo ka phetola, re kwa a kgaotša mogala woo Phetola a bego a mo leleditše wona.Naa ke gona ge lapa la Matsheko le Phetola le thubegile,goba le tla loka?

#Mahlakung –Robert o botša Phetola gore o swere mosadi wa gagwe,o apere sešira sefahlego gore a seke a mo tseba, o re  nako efe goba efe a ka fediša bophelo bja gagwe.Naa Robert o hlatha eng ka se gona o tla e hladia ya butšwa pitša ye a e apeyago? 

#Mahlakung –Sophia o leka go hlwekiša mekgwa le mediro ya gagwe , re kwa a kgala Brandon le Tumi gore ba be le maitshwaro a mabotse ka ge ngwana wa gagwe a etla Mahlakung gomme ga a rate ge ngwana wo wa gagwe a ka tseba gore yena o be a ratana le bana ba bannyane ba go lekana le yena. Naa Tumi le Brandon ba tla laolega goba e ya go mathata fela?

#Mahlakung –Jo nna wee! Mochichi o utullutše sephiri sa lebitla leo a rego le ka jarateng ya kereke ya tatagwe go Moruti Kgole.Naa re ka bona maphodisa ba tlile go epolla seo se epetšwego goba Matsobane o ya go ba thibela go ya le ka fao re kwelego a botša Mamabona? 

#Mahlakung –Konstabel Mpedi o bileditše Saki setišing sa maphodisa go tla go hlatha mosadi yo a mo radiilego ka mašeleng a gagwe.Naa re ka bona Saki a humane tšhelete ya gagwe gona go swerwe motho wa nnete goba ke motho o šele?

#Mahlakung –Sephiri sa Phetola le Mabatho se utullugile, Bra Bizza le Robert ba dirile bonnete bja gore Matsheko ,Jonjon le Moruti Kgole ba hweleletša Phetola le Mabatho ba sa iketlile.Naa seo se dirilwego ke Bra Bizza le Robert ke tshwanelo gore ba se dire goba ba be ba sa tshwanela go se dira?

#Mahlakung –Bra Bizza o botša Phetola gore go tlo bolokwa yena, le Jonjon le Matsheko gosasa.Naa Bra Bizza o hlatha eng? 

#Mahlakung –Mampane o bothateng bjo bogolo, leano la gagwe la go itira   molwetši wa monagano le dirile gore ba mo fe dihlare tšeo di mo fetšago maatla.Naa o tla hlwa a sa kgona go boela sekeng sa maemo a mabotse goba ke gona ge go fedile ke yena?

#Mahlakung –Sebjalebjale o kgalemela Masedi ka dinyakišišo tšeo a rego o a di dira ka tatagwe.Naa Masedi o phošo go nyakišiša ka dikamano tša tatagwe tša ke sephiring go šireletša mmagwe, goba ke eng seo a swanetšego go se dira? 

#Mahlakung –Mabatho le Malehu ba a kgakgana ka taba ya mpa ya Mabatho.Mabatho o mmotša gore o nyaka go mo thubela motse, mola Malehu a re o nyaka go bolaya Jonjon,naa Malehu o phošo go mo sekiša goba ke eng seo a swanetšego go se dira?

#Mahlakung –Monica o botša Petronella gore o rile ge a botšiša monna wa gagwe Alfios ka seo se epetšwego kua kerekeng, a nyaka go bethwa,Petronella o mmotša gore o swanetše go fa bohlatse kgorongtsheko.Monica o mmotša gore ba ka se swariše balekane ba bona.Naa ge o ka ikhumana o le maemong a gore molekane wa gago a be ka gare ga bosenyi o swanetše o dire eng,o homole goba o bolele?

#Mahlakung –Mabatho o botša Jonjon gore Malehu o rile pele ba tsena ka ntombeng ,a mo phophola mpa ya gagwe.Re tla gopola gore kua morago Malehu o boditše Jonjon gore go nale kgonagalo e kgolo ya gore ngwana yo Mabatho a mo imilego, a seke a belegwa.Naa mongaka Malehu o bona eng goba o kwa eng? 

#Mahlakung –Mochichi o kerekeng ya tatagwe o a epa, re kwa a bolela mantšu a gore o kgauswi le go fihlelela seo se epetšwego ka ge a thoma go kwa ka monkgo wa go se kgahliše.Naa Alfios le tatagwe Matsobane ba epetše eng ka gore kua moragonyana re kwele Alfios a bolela gore selo sa gona se be se imela ge ba be ba se kuka go se gona fao se epetšwego gona?

#Mahlakung –Batho kamoka ka Afrika Borwa ba nale ditokelo tša botho, go akaretšwa le bagolegwa.Brandon šo o bethilwe ka kgolegong,o nale dikgobadi.Naa ke thušo ya mohuta mang yeo a ka e humanago goba Jonjon goba ba lapa la gabo ba ka dira eng gore a humane hlakodišo a se feleletše a lobile bophelo? 

#Mahlakung –Millicent o bothateng,o kwele ka taba ya lerato la ka sephiring la Phetola le Mabatho gomme ga a tsebe gore a dire eng.Moruti Kgole o mo eletša gore a botše Matsheko ka ge e le mogwera wa gagwe ka ge a re ge a ka lemoga gore yo Millicent o be a dutše a e tseba fela a no homola , e ka fediša segwera sa bona. Naa ge taba ye bjalo ka ye e hlagile go mogwera wa gago,molekane wa gagwe a ratana o swanetše go dira eng ka yona, o mmotš...