Mahlakung

#Mahlakung-Mmalo!Titi o bolela gore ge e le gore Rethabile o nyaka go apara roko ye tšhweu yeo a e llelago, o tlo e apara gomme ka morago a apara ye ntsho, a lla  go fihla ge yena ka boyena a ikhomotša? Naa Titi o hlatha eng ka mantšu a a bohloko gakaaka?

#Mahlakung –Jonjon o abelana toro ya gagwe ya go wela ka meetsing a mantšhi batho ba mo hlaletše ba sa mo thuše , eupša ge Phetola a fihla, ya ba yena a mo thušago a mo ntšhago ka go wona.E bile re kwa a botšha Phetola gore ke monna wa go loka e bile a mo akela mahlatse a katlego go tšwa go Modimo.Naa toro ye ya Jonjon e hlatha eng?

#Mahlakung –Mabatho le Jonjon ba dijong restaurenteng ,Mabatho o thoma go selelwa ,o kwa monkgo wa muši woo o sego gona .Naa Mabatho o imile goba go diragala eng ka yena.Gona ge a imile o imišitšwe ke mang magareng ga monna wa gagwe Jonjon le Phetola?

#Mahlakung –Bra Bizza o botša Sophia gore yena le Phetola ba kitima meriting ya mabitla a bona.Naa Bra Bizza o hlatha eng ka mantšu a a go tšhoša gakaaka?

#Mahlakung –#Mahlakung –Monica wa Motlaika o tlotše ka lipstick ya mabethela, o botša Malehu gore bjale ke nako ya gore a ipshine ka bokgekolo bja gagwe le gore go tšofala yo a ratago.Naa ke phošo ge batšofe ba tlola ka dilipstick ,ba dira manala a diatla le maoto(manicure le pedicure) , le moriri ba o otlolla goba ba apara diwiki bjalo ka Monica goba ke nnete go tšofala yo a ratago?

#Mahlakung-Segagabo rena se re ,”ngwana magana go botšwa o wetše dikomeng a re dikoma ke tšešo”.Naa re ka bona Rethabile a wetše ka gare ga mathata ka lebaka la go hloka tsebe ga gagwe.Ga a theeletše mmagwe Titi, koko wa gagwe Mamabona,motswala wa gagwe Mochichi le malome wa gagwe Matsobane.Lerato le mo hlakantšhitše hlogo ka nnete.Gona ge a tsene ka gare ga mathata ba swanetše go mo thuša goba ba mo tlogele a a rarolle ka bo yenae be thuto go yena le kamoso?

#Mahlakung –Bjalo gona Phetola le Mabatho ba thoma go fetelela, ekwa fela ge Mabatho a laletša Phetola go tla ga gagwe le Jonjon , a lokele koloi ya gagwe ka karatšheng.Naa sephiri se sa bona se tlo lotega nako ye kaakang ka gore bjale gona ba iketlile kudu?

#Mahlakung – Badgirl le Kgokong ba baka sellathekeng sa Kgokong ka ge Badgirl a be nyaka go bona gore Kgokong o bolela le mang.Naa Badgirl o nale maloka a go phuruphutša sellathekeng sa Kgokong go bona melaetša le go lebelela gore Kgokong o be a bolela le mang mogaleng wa gagwe bjale ka molekane wa gagwe goba ga a na maloka?

#Mahlakung –Kgokong o kwagala a thabela go kopana le Sophia ga gagwe.Naa re ka bona Kgokong a itahletše go Sophia a ratana le yena ka lebaka la mathata a kamano ya gagwe le Badgirl?

#Mahlakung –Jo nna wee !Sophia o kgopela Tumi gore a mo fe dinomoro tša Sakkie.Naa Sophia o šetše a inyakela wo Saki ka lebaka la dimilione tša diranta tšeo a nago le tšona ,gona ge go se bjalo o iša kae dinomoro tša Saki?

#Mahlakung-Saki o gana go beeletša tšhelete ya gagwe ya go balelwa go dimilione tše seswai tša diranta pankeng ge Petronella a mo eletša go beeletša pankeng .Saki o belalela gore mašokotšo a gona ke a mannyane kudu.Naa Saki o šetše a thomile go ikgogomoša goba ke nnete mašokotšo a ke a mannyane, gona o ya go beeletša kae moo tšhelete ya gagwe e yago go oketšega ka pela ka bontšhi bjoo yena a bo nyakago le go bolokega?

#Mahlakung –Dr Lethebe, Matsheko o a belaela ga a thabele ditheto tšeo monna wa gagwe a mo fago tšona tša gore  phala basadi kamoka mo lefaseng.O kwagala a gononwa gore go nale mokgwa ka ditheto tše tša monna wa gagwe Phetola.Naa re ka re Matsheko o hloka tebogo goba maikutlo a gagwe a mo lemoša se sengwe?

#Mahlakung –Rethabile o file Gogo wa facebook R4 500 gore a mo  lebelele tša ditherišano tša magadi a gagwe le ba ga Nchaupe gore di tla sepela gabotse naa.Masedi o botša Rethabile gore ke setlatla sa go radiiwa gabonolo .Naa Gogo wo wa Facebook ke ngaka ya nnete goba ke moradiya?

#Mahlakung –Mochichi o botša mmagwe Petronella gore yena ga a nyake go ba le lapa ka ge lenyalo le hlakiša le dira gore motho a se ipshine ka bophelo,go swana le Kgokong le yena Petronella.Naa seo bana ba golago ba se bona, se ama bokamoso bja bjona?

#Mahlakung –Brandon o botša Mampane gore yena o rera go tšhaba kgolegong e bile o tla ka leano la go itira o kare o lwala monagano.Naa leano le la gagwe le tla mo thuša, ya ba e le gona a tšhabile?

#Mahlakung-Sophia o botša Monica gore o gopotše ngwana gagwe e bile o gopola lego fetšiša Bra Bizza? Naa go tla ga ngwana wa Sophia mo Mahlakungg go ka dira gore Sophia a fetole bophelo bja gagwe a phele ka seriti ,e le ge a mo Hlompha gore a se mo nyatše?

#Mahlakung –“Ke foša leswikana la ya kua godimo gomme ge le boa la boa e  le gauta.Ke ses en twintig nna” .Ke mantšu a Phetola ge a bolela le Tumi ba rera go radia Saki tšhelete ya go balelwa go R8,5 million yeo a e pepenkišago ka lebaka la leleme la gagwe la go se kgone go homola! Segagaborena se re ,”moja sa gagwe o a iphihla”!

#Mahlakung –Bra Bizza o eletša Kgokong gore a bontšhe Hlapyadi gore ke yena monna, a tlogele go robala ka phaphošing ya borobalelo ya baeng.Naa Bra Bizza o hlatha eng ge a re Kgokong e be monna?

#Mahlakung –Jonjon o thabile kudu , o botša Mpedi gore Phetola o lokile , e bile ke mogwera wa gagwe wa nnete.Mpedi o mo lemoša gore ke la mathomo a ekwa ka yena gore Phetola o lokile.Naa Phetola o amana le Mabatho go itefeletša ge Jonjon a ile a ratana le Matsheko goba lebaka la gagwe la go ratana le Mabatho ke lefe?

#Mahlakung –Lapa la ga Lethebe le la ga Sethosa ba kopane e bile ba beša nama go bose kudu.Mabatho o kgopela go ya go tšea dipilisi gae, gomme ge a tloga Phetola o kgopela go ya go reka nama ya boroso.Re kwa ka morago Phetola le Mabatho ba le ga Jonjon ba thumeletša lerato la bona.Naa taba ye ya Phetola le Mabatho e ya go feleletša kae ka gore kua morago Phetola o ile a itebala a re ge a araba mogala wa Matsheko a mmitša Mabi ka phošo , gomme se sa ba...

#Mahlakung-Phetola o botša Tumi gore o ya go tšeela Saki tšhelete ya dimilione tša go balelwa go tše seswai ge e sena go tsena ka akhaonteng ya panka ya gagwe ,yeo a yago go e humana ge a sena go hlalana le Dimakatšo.Naa Phetola o ya go diragatša se bjang ka gore tšhelete yeo  e tla ba e le ka akhaonteng ya panka ya Saki?

#Mahlakung –Kgokong o kgopela tumelelo ya go nyaka mmane wa bana go ratswale wa gagwe Moruti Kgole.Se se tlabile Moruti Kgole kudu.Naa Hlapyadi/Badgirl o tla e dumelela taba ye ya mmane wa bana goba ke gona ge lenyalo la Kgokong le Badgirl le fedile?

#Mahlakung –Bra Bizza le Matsobane ba kgopelana ditshwarelo go diphošo tšeo ba fošetšaneng ka tšona kua morago gore ba kgone go sepetša lenyalo la Robert le Rethabile gabotse.Naa lenyalo la Robert le Rethabile le tla ba dira bagwera?

#Mahlakung -Jonjon o topile karata ya boitsebišo(ID) ya Phetola ka phaphošing ya gagwe le Mabatho ya borobalelo. Naa Mabatho le Phetola ba tla kgona go foraforetša Jonjon ba mo kgona ka taba ya gore Phetola o be a e file Mabatho gore a mo fe yona?

#Mahlakung –Matsobane o kgopela Sebjalebjale gore a bolele le mmagwe Mamabona gore a dumelele Rethabile le Robert ba nayalana.Ge Sebjalebjale a bolela le Mamabona, Mamabona o bona Sebjalebjale a mo ekile, o mmitša ´diep sekelema´.Naa ke nnete Sebjalebjale o mo ekile goba bjang?

Ayaya! Phetola o theletšwe ke leleme ge a araba mogala wa mosadi wa gagwe Matsheko , a mmitša “Mabisto”. Re kwa Matsheko a gononwa gore Mabisto ke Mabatho.Naa re ka bona lapa la ga Lethebe le thubegile eka lebak ala se goba go ya go diragala eng?

#Mahlakung –Titi, Matsobane le Alfios ba rera go tloša Robert tšatšing ge a sena go nyalana le Rethabile e le mokgonyana wa bona.Naa morero wo wa bona o tla atlega goba o tla folotša?

#Mahlakung –Kgokong o botša Moruti Kgole gore Hlapyadi o robala ka bokati, gomme ka lehlakoreng le lengwe re Hlapyadi a botša Masedi gore yena o Kgokong o a mo lapiša .Naa bothata bja Hlapyadi /Badgirl ke bofe

#Mahlakung Jonjon o botša Malehu gore o lorile Mabatho a kukile ngwana wa go makatša, wa go ja mokgakga. Naa toro ye e hlatha eng?

#Mahlakung –Mabatho le Phetola ba ka phaphošing ya borobalelo ya  Jonjon le Mabatho gomme ,Phetola o botša Mabatho gore ngwana ga a betlelwe ka ntle, o betlelwa ka kamoreng ya mmagwe le tatagwe.Naa taba ye e hlatha eng le gona, naa go nale ka fao e ka amago leseana leo le nyakegago ka gona?

#Mahlakung-Jonjon o tshwenyegile kudu ka Mabatho yo a rego o phela a lapile.Naa Mabatho a ka ba a šetše a imile ngwana wa Phetola goba o hlagelwa ke eng?

#Mahlakung –Rethabile o botša Bra Bizza gore ge mmagwe a dumetše gore a nyalane le Robert ga go sa a seo se ka tlago sa ba eta ka pele, e le ge a bontšha gore koko wa gagwe ga a na maatla a go thibela lenyalo la gagwe le Robert.Naa taba ye ke nnete goba Rethabile o a e lahla?

#Mahlakung –Mabatho o ile go Matsheko a mo llela gore o hloka ngwana, Matsheko o mo lokolla gore ge a hloka go bolela le motho yena o gona ka dinako kamoka .Re kwa ka lehlakoreng  le lengwe Phetola a botša Matsheko gore batho ke go thušana. Naa mohla Matsheko a lemoga gore Mabatho le Phetola ba a ratana go ya go diragala eng?

#Mahlakung –Petronella o nale Badgirl o latola gore yena ga a ratane le Kgokong.Ge a botšiša Badgirl gore a dire eng gore a kgolwe gore ga ba ratane , Badgirl o mmotša gore ga go seo a ka se dirago, o mmotša gore ,”Your application will soon be approved “.Naa Badgirl o hlatha eng ka se?

#Mahlakung –Malehu o boditše Mabatho gore o bona lesea.Naa o hlatha eng ka polelo ye ya gagwe.Gona lesea le,ke la mang?

#Mahlakung- Mampane o llela go Konstabel Mpedi gore a mo thuše mathateng ao a lego ka gare ga wona.Naa Konstabel Mpedi o ya go mo thuša bjang ka gore re a tseba gore Mpedi ga se lephodisa la mathaithai?

#Mahlakung –Matsheko o eletša morwedi wa gagwe Masedi go ratana le Kgokong ka ge a re Badgirl ga a mo hlokomele . Naa go ya le ka histori ya Masedi ya dikamano tšeo di mo kwešitšego bohloko kua morago,a ka phela bophelo bjo bo botse le Kgokong goba monna yoo a tla mo ratago goba o tlo fela a gopola tša morago gomme se sa ama dikamano tša gagwe le bao a kopanago le bona?

#Mahlakung –Bra Bizza o laya Phetola tsebe go kwa gore go itefeletšeng  ga gagwe, a seke a bolaya motlogolo wa gagwe Robert, go sego bjalo, o ya go lahlegelwa ke lapa la gagwe kamoka? Naa go ya go diragala eng gona mo ? Yo o bolela se, mola yo mongwe a bolela sela?

#Mahlakung –Alfios o botša Titi gore ba swanetše go dumelela Rethabile   a nyalana le Robert gore ba kgone go mmolaya, gomme Titi o kgahlanong le se. Potšišo ke gore naa Robert yena ,o nyala Rethabile ka ge a mo rata goba o nale morero ka Rethabile?

#Mahlakung –Mabatho o botša Phetola ka mathata a go hloka thari lapeng la gagwe le Jonjon. Phetola o tshepiša go mo thutša ge a ka lota sephiri se .Naa taba ye e tlo kgonega goba khupamarama , goba ke gona ge  mpherefere o tsogile malapeng a bona?