不想禁文藝

依家每個人嘅手機入面都有相機功能，可以隨時影低生活中嘅瞬間，我哋成日碌嘅 IG 更加係以「相」為主要媒介嘅社交平台——相片已經佔據我哋生活嘅每個角落，但你又有冇諗過一張相係點樣吸引我哋？

法國思想家羅蘭．巴特 (Roland Barthes) 喺四十年前寫嘅《明室：攝影札記》，唔止充滿犀利而透徹嘅哲思分析，更係一本從佢嘅個人情感出發，「獻出自己來」嘅深情之書。

大家聽完呢集之後，不妨碌慢啲個 IG，感受被一張相嘅刺點刺中嘅奇遇瞬間。

Highlight：
00:44 介紹羅蘭．巴特
03:08 介紹《明室：攝影札記》
05:23 我哋自己同攝影嘅關係
10:12 咩係「知面」(studium)？
14:19 咩係「刺點」(punctum)？
20:23 尋找妹妹的大腰帶
27:00 估刺點
30:12 到我哋「獻出自己來」

提及作品：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

話說打緊呢段 intro 嘅時候，Lu 已經睇咗 Severance 呢季嘅大結局！大家冇估錯，睇嚟要等到第三季先知道成個 full picture 。不得不說大結局好出色！我覺得可以當作一部電影嚟欣賞。上一集劇透咗勁多劇情，今集就多啲討論，唔知大家有咩睇法呢？快啲 DM／留言一齊討論吓！

Highlight：
00:50 劇透開始～
03:33 如果唔洗錢又冇風險，我哋會唔會做 severance？
05:39 除咗工作，severance 仲可以用喺其他嘢上面？
09:37 Helly 甦醒後：講大話 & 搞嘢之謎
19:23 睇埋第二季 intro，四寶提出大膽推論
23:58 邊個角色令我哋最感興趣？覺得套劇有咩賣點？
25:59 好似同 Ms. Casey 有關聯嘅神秘細路囡
30:11 岸久二三事：幫四寶改花名嘅眼鏡行叔↘️叔↗️

提及作品：
Dan Erickson 開創、Ben Stiller 執導：《Severance》(人生切割術)，2022–

相關 link：
Severance 第二季 intro：https://youtu.be/uKT5bwMkOAw?si=QGow2WIijXKmpF1i

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

「如果有得揀，你會唔會做手術去分開工作同私人生活，做到真正嘅 work-life balance？🔪💼」

今集我哋嚟傾吓（劇透）Severance 呢套 Apple TV+ 製作嘅神劇，Severance 究竟係幫人實現夢想定係一場惡夢？👀🤯 到底呢間公司背後係做緊啲咩？我哋諗到頭都爆都仲未諗到，唔驚畀人劇透就快啲聽吓啦！🎧

Highlight：
00:52 開場白
07:38 介紹角色
10:33 畀觀眾體驗角色狀態嘅遊戲
15:47 開始劇透 ⚠️
19:25 介紹 Lumon 呢間公司嘅 departments
21:10 Ms. Casey 之謎
27:50 如果 innie 出到去⋯⋯？
31:28 Irving 令人心碎嘅愛情故事

提及作品：
Dan Erickson 開創、Ben Stiller 執導：《Severance》(生活割離術/人生切割術)，2022–

相關 link：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

新年快樂！話咁快 2025 年已經到咗二月，連農曆新年都過埋，我哋仲未回顧完上年睇過嘅電影。🤣

上集講完好多主觀嘅電影心得，今集我哋會主要分享客觀嘅數據，當中都有唔少發現㗎——例如，睇得最多嘅導演、地區、年代，同我哋嘅主觀喜好或者感覺會唔會有出入？究竟我哋睇嘅電影之中，導演男女性比例差幾遠？不眠不休七日可以睇幾多套電影？

以後睇完電影真係要 mark 番低，原來睇返自己呢啲數據係咁有趣！

Highlight：
00:19 開場白
00:32 最喜愛邊位導演？
02:20 最常觀看邊幾位導演？
06:29 最常觀看咩地區嘅電影？
06:52 最常觀看咩年代嘅電影？
08:10 觀看嘅導演男/女性比例？
09:13 男/女導演拍嘅戲有咩差別？
10:35 總共觀看咗幾多部電影？
11:14 片長最長 vs 最短
16:32 總共睇咗幾多分鐘電影？
18:25 下年想睇多啲咩電影？
24:47 岸久二三事：老花眼中的美女

*勘誤：唔好意思🙏，四寶一直讀錯 Céline Sciamma 個名，睇返一啲採訪片段，Sciamma 個音應該類近「事emma」😂

我哋嘅年度回顧 list：

四寶：
🔸 睇得最多嘅導演：

🔸 片長最短：岩井俊二執導：《升起的煙花，從下面看？還是從側面看？》，1995 年
🔸 片長最長：濱口龍介執導：《歡樂時光》，2015 年
🔸 睇過嘅紀錄片：

Lulu：
🔸 最 impressed 嘅導演：祝紫嫣 (《但願人長久》，2023 年)
🔸 有重複嘅導演：Rian Johnson (《Knives Out》，2019 年；《Glass Onion: A Knives Out Mystery》，2022 年)
🔸 片長最短：古本森執導：《野草》，2024 年
🔸 片長最長：Denis Villeneuve 執導：《Dune: Part One & Two》 (沙丘瀚戰：第一、二部)，2021、2024 年

Mola：
🔸 年代最遠：蔡楚生執導：《新女性》，1935 年
🔸 片長最短：梁子瞳執導：《Landing On Ice》，2024 年
🔸 片長最長：林奕華編導：《梁祝的繼承者們》(舞台映画)，2024 年

其他提及作品：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

一年又過去，又到咗 IG 充滿 Spotify/Apple Music Wrapped 嘅季節。回想起我哋好耐之前做過嘅年尾音樂回顧，今次就一於做返個電影version 啦！

2024 年睇咗嘅電影當中，四寶揀嘅三套最愛唔知點解全部都有描繪初戀。而 Mola 就比較多睇港產片同「媽咪片（？）」。Lulu 就最鍾意透過電影嚟體驗一個同日常生活截然不同嘅世界。

今集傾嘅主要都係主觀嘅電影排名，至於下一集，我哋會繼續分享同討論我哋嘅其他 statistics，例如睇得最多嘅國家、年代係咩？導演嘅性別比例係點？仲有呢一年睇嘅電影總時長等等，都有唔少得意發現，大家千祈唔好錯過。😜

Highlight:
00:36 開場白
01:03 四寶今年最愛：情感幽微嘅《Water Lilies》
05:46 四寶今年最愛：唔可以睇第二次嘅《一一》
10:29 四寶今年最愛：膠袋飄啊飄嘅《American Beauty》
19:30 Mola 今年最深刻：平實感人嘅《爸爸》
20:28 Mola 今年最深刻：一鳴驚人出道作《I Killed My Mother》
29:42 Mola 今年最深刻：導演用嚟自肥圓夢嘅《填詞L》
35:31 Lulu 今年最愛：《踏血尋梅》 美化兇手？
47:18 Lulu 今年最愛：想知愛情係咩就要睇《十二夜》
50:15 Lulu 今年最愛：令人羨慕嘅《Poor Things》
54:18 Lulu 今年最愛：令我哋重新思考好與壞嘅《Wicked》
57:24 岸久二三事：死啦媽～～～～～～咪！

*勘誤：唔好意思🙏，四寶一直讀錯 Céline Sciamma 個名，睇返一啲採訪片段，Sciamma 個音應該類近「事emma」😂

我哋嘅年度回顧 list：
四寶最愛：
1. Céline Sciamma 執導：《Water Lilies》，2007 年
2. 楊德昌執導：《一一》，2000 年
3. Sam Mendes 執導：《American Beauty》，1999 年

Mola 最深刻：
1. 翁子光執導：《爸爸》，2024 年
2. Xavier Dolan 執導：《I Killed My Mother》，2009 年
3. 黃綺琳執導：《填詞L》，2024 年

Lulu 最愛：
1. 翁子光執導：《踏血尋梅》，2015 年
2. 林愛華執導：《十二夜》，2000 年
3. Yorgos Lanthimos 執導：《Poor Things》，2023 年
4. 朱浩偉執導：《Wicked》（女巫前傳），2024 年

其他提及作品：
Céline Sciamma 執導：《Petite Maman》（小媽媽） ，2021 年
Céline Sciamma 執導：《Portrait of a Lady on Fire》（浴火的少女畫像），2019 年
Claire Simon 執導：《I Want to Talk About Duras》（莒哈絲最後的情人） ，2021 年
Xavier Dolan 執導：《Mommy》（慈母多惡兒），2014 年
謝雅兒主唱、黃綺琳填詞 - 填詞魂（《填詞L》主題曲）
李濬益執導：《素媛》，2013 年
三島由紀夫著：《金閣寺》，1956 年（初版）

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

如果有得揀，你會想老師用廣東話定英文教書？學生成日上堂都怕無辦法用英文準確噉表達自己，其實老師都可能有同樣嘅不安同苦悶。

今集我哋會繼續講《粵語的政治──香港語言文化的異質與多元》呢本書，討論下授課語言對師生嘅情感影響，同埋實際嘅學習成效📝。喺香港嘅教育環境下，英文（甚至普通話）似乎更加受重視，而大部分人嘅母語廣東話，亦即係我哋日常生活中最常使用嘅語言，反而被排除喺課堂之外。英文好當然好，但目前主流嘅教學方式同配套，係咪真係可以保證學生嘅語言能力一定會變好呢？

P.S. 其實本書有好多主題我哋都未講，想了解廣東話更多嘅你哋，都可以睇睇呢本書～

Highlight：
01:22 大家以前讀書嘅時候，最常有咩情緒？
03:17 用英文上堂嘅挫折
08:24 政府關於教學語言嘅政策
14:29 荷蘭嘅案例
20:05 回歸基本步：咩係語言？咩係教育？
25:17 點樣改變呢啲問題？用母語去學習！
26:54 討論普教中
30:31 岸久二三事：壞理由都可以係理由？

提及作品：
文潔華編，《粵語的政治：香港語言文化的異質與多元》，2014 年

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

Threads 上面成日都有關於中文用字嘅爭論，大家嘈到面紅耳赤，其實都係想保護自己嘅母語。講咗廣東話咁多年，我哋又真係好少特登坐低慢慢討論佢。

今集，Mola 會同大家分享由文潔華教授編嘅《粵語的政治：香港語言文化的異質與多元》，一齊了解香港嘅廣東話文化，由上個世紀 hit 到人手一冊嘅粵語小說📖，講到來自馬來西亞嘅學者嘗試「本土化」成為香港人嘅過程中，對唔同群體使用廣東話嘅觀察。

想知以前啲粵語小說有幾過癮👻，就要聽呢集啦～

Highlight：
01:30 本書出版緣起
06:55 Part 1：香港嘅粵語小說
10:36 周白蘋《中國殺人王》、《牛精良》
17:51 高雄《經紀日記》
25:01 點樣定義粵語文學、香港文學？
31:08 Part 2：香港有標準廣東話嗎？
39:08 關於捉口音嘅討論
42:51 對支語嘅矯枉過正？

提及作品：

參考資料：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

如果成咗年先發現自己有個雙胞胎／三胞胎兄弟， 會係一個點嘅故事？神奇？溫馨？驚喜？有趣？定係一場悲劇？呢個簡直係真人版《楚門的世界》。雖則人生如戲，但呢單嘢背後嘅真相比一場戲更加荒謬同令人心寒，Lu 一路睇一路「唉」。

（ P.S. 真係大劇透，建議睇完先聽！）

Highlight：
01:41 三個人一模一樣，卻彼此陌生？
08:04 劇透注意🚨全片最令人意外嘅地方
12:03 科學目的 vs 倫理——邊樣重要啲？
15:17 如果佢哋冇重逢，悲劇仲會唔會發生？
18:36 假設我哋成年後發現自己有孖生兄/弟/姊/妹，會點樣看待自己過去嘅生活？
23:45 現代科學研究嘅底線係咩？有冇辦法改良呢個實驗 ？
29:20 呢套紀錄片中最 surprise 到我哋嘅係咩？
36:38 喺我哋自己身上感唔感受到基因／環境嘅影響？
39:14 覺得全片最傷感嘅位係咩？
42:10 岸久二三事：國民妹妹與國民孫女

提及作品：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

《第五號屠宰場》作為一本講時間穿越嘅小說，四寶覺得入面最大嘅關鍵字就係「時間」。縱使時間不斷前進，仍然有啲人選擇做傻傻哋回頭嘅鹽柱，不惜粉身碎骨，都要守望過去嘅頹垣敗瓦。馮內果用呢種「歷史天使」嘅姿態，為我哋帶來呢部偉大嘅反戰文學。

永遠要記憶曾經發生過嘅事。

Highlight：
00:24 《第五號屠宰場》裡面嘅時間意象
02:49 電影改編嘅細節：被時鐘壓住嘅 Billy
04:08 馮內果點解話自己係「鹽柱」？
07:00 班雅明嘅「歷史天使」
11:55 Mola 分享佢睇嘅一個韓國節目，講一個被誣捏做北韓間諜嘅女子
15:35 《第五號屠宰場》同越戰嘅關係
18:00 你認為馮內果贊成外星人嘅時間觀（只著眼開心嘅時刻）嗎？
22:03 岸久二三事：四寶啲 friends 無啦啦問無啦啦

提及作品：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

《第五號屠宰場》，可能係世界上最唔驚劇透嘅書。事關喺書嘅最開頭，作者本人馮內果已經將主角 Billy 嘅一生，連同成本書嘅開端、高潮、結尾設計，一次過爆晒出嚟。點解馮內果要噉做？

一本寫戰爭殘酷嘅小說，唔行煽情路線都不特只，仲要充滿黑色幽默，你又想唔想像到？

Billy 一時跳去未來，一時跳去過去，睇到你頭暈腦脹，原來唔係馮內果有心刁難讀者，而係出於一個富有深意嘅原因？

P.S. 雖然話《第五號屠宰場》係一本打亂晒時序嘅小說，但我哋 podcast 嘅 《第五號屠宰場》系列，最好都係跟返次序聽。聽眾朋友們，如果唔想遇到啲聽唔明嘅地方，就要聽埋上一集先好聽呢集啊～

Highlight：
01:00 後設手法：未見過有作者會自己劇透自己本書
02:18 黑色幽默：幽默係人面對絕望嘅反應
09:18 克制敘事：拒絕煽情
12:04 大家會喺咩情況下講「就係噉」？
15:07 非線性敘事：令讀者都成為 Billy
22:16 岸久二三事：Lulu 聽返嚟嘅「卵巢痛」故事

提及作品：
馮內果 (Kurt Vonnegut) 著，陳枻樵譯，《第五號屠宰場》，2016 年

參考資料：
李永平，〈馮內果訪問錄〉，載《中外文學》2卷9期 (1974年)，頁128-139

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

從前德國有個地方叫德勒斯登，係一個有好多美麗建築嘅地方。二戰嘅時候，嗰度主要住咗啲平民同戰俘，亦都冇軍事基地或者相關工業。大家都覺得炸彈唔會跌到佢哋頭上，幻想可以喺度安全度過戰爭。但係有一日，天上降下無數嘅炸彈，令呢座城市一夕之間變成「月球表面」。倖存嘅 7 個美軍戰俘裡面，其中一個人用咗 23 年嚟思考呢件事嘅意義，最後寫咗一本奇奇怪怪好似精神分裂噉嘅小說。

呢個人，係馮內果 (Kurt Vonnegut)。呢本書，叫《第五號屠宰場》(Slaughterhouse-Five)。

今集又係四寶負責聲音導航～（希望大家未聽厭我把聲，聽厭咗⋯⋯都冇辦法，下集仲係我。）主要會講馮內果面臨兩個身份——作者同創傷者——嘅拉扯書寫嘅必要 VS 書寫嘅危險、遺忘嘅誘惑、創傷嘅不可能寫，呢個真係一個世紀大矛盾。究竟係咩令馮內果有咗就算困難重重，都一定要完成呢本書嘅決心？

（P.S. 放心聽，呢本係一本絕對唔怕 spoiler 嘅書，原因見下集分曉。）

Highlight：
00:47 介紹馮內果，一個充滿拉扯嘅人
06:50 簡介《第五號屠宰場》情節同自傳性
09:58 主角 Billy 嘅一生
14:20 同我哋一樣咁傻仔嘅 Billy 要上戰場
15:46 用後設手法分裂出兩個身份
20:44 何不「反冰河」？
21:41 作為作者：書寫嘅必要——美國想掩蓋呢場唔光彩嘅空襲
30:24 作為作者：書寫嘅必要——歷史敘事忽略個體經驗
32:21 作為作者：書寫嘅必要——回應越戰
34:59 作為作者：書寫嘅危險
38:44 作為創傷者：遺忘嘅誘惑
41:01 作為創傷者：創傷嘅不可能寫
45:46 作為作者：書寫嘅必要——最後防線 A duty-dance with death
49:22 岸久二三事：喺夢中差啲做 Mark Zuckerberg 手下特務嘅 Mola

提及作品：
馮內果 (Kurt Vonnegut) 著，陳枻樵譯，《第五號屠宰場》，2016 年
George Roy Hill 執導、Stephen Geller 編劇，《第五號屠宰場》(Slaughterhouse-Five)，1972 年
Steve Blackman 主創，《雨傘學院》(The Umbrella Academy)，2019-2024 年

參考資料：
李永平，〈馮內果訪問錄〉，載《中外文學》2卷9期 (1974年)，頁128-139
包子逸（映畫手民），〈爬出歷史的廢墟：閒聊《堤》與《第五號屠宰場》〉( https://www.thenewslens.com/article/58847 )
Kurt Vonnegut - Wikipedia ( https://en.wikipedia.org/wiki/Kurt_Vonnegut )
Nick Greene, 15 Facts About ‘Slaughterhouse-Five’, 2022 ( https://www.mentalfloss.com/article/58888/15-things-you-may-not-know-about-slaughterhouse-five )

~

鍾意嘅話可以畀個5星review，同埋記得follow我哋IG @9startart ( https://www.instagram.com/9startart/ )，多謝收聽，下集再見！

最後一集《紅線》，會分享洪承喜自己嘅多邊戀經驗，以及佢朋友嘅無性戀、酷兒柏拉圖經驗。

唔知對大家嚟講，「多邊戀」係咩？一腳踏幾船嘅借口？同自己距離好遙遠嘅開放式關係？喺洪承喜嘅定義下，多邊戀係對社會規限嘅「一對一獨佔關係」嘅跳脫。其實每個人同另一個人之間，都可以自由定義大家之間嘅關係，為呢份獨特嘅愛創造專屬嘅言語同形式，而唔好被約定俗成嘅「愛情」、「友情」概念綑綁。

而「無性戀」、「酷兒柏拉圖」呢啲新概念嘅出現，正正亦係因為有啲人開始反思社會枷鎖下嘅愛情關係，而發明出新嘅愛人方式。

《紅線》呢本書真係好多嘢值得討論，其實三集根本唔夠！費事一個主題拖咁長，四寶講到口都乾 QAQ。有興趣繼續了解洪承喜經歷嘅朋友，就自己去買本書嚟睇啦！

Highlight：
00:45 洪承喜嘅多邊戀經驗
04:58 一啲人對多邊戀嘅曲解
07:53 A 先生又出場：多邊戀係一場「修行」
11:05 跳脫社會對愛情慣有嘅想象
12:34 無性戀 K 先生實行緊嘅「酷兒柏拉圖」
16:20 洪承喜同班 friends 嘅「不婚藝術酷兒共同體」
18:04 總結：張亦絢、劉芷妤嘅 comments
23:21 閒聊 time：以男性角度寫性別議題嘅書好似好少？點解南韓女 idols 睇女性主義嘅書要畀人鬧？John Berger 有幾勁？四寶推薦邊本張亦絢嘅書？等等等等

提及作品：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

Bio 堂、性教育堂都會教性相關嘅知識，但呢啲又係咪真係足夠呢？包括洪承喜在內，好多人真正嘅性愛教材，其實係 A 片。遵守住 head, shoulders, knees and toes 嘅順序撫摸，然後再不斷抽插，直到男性射精，而女性就負責叫出好聽嘅呻吟聲——以上就係由 A 片所演示，我哋所跟從嘅性愛模式。

今集，我哋會同大家一齊睇吓洪承喜對性愛嘅思考。點解我哋嘅性愛總係要同 A 片餅印噉款，重複而單一？男性為咗展現合格嘅「雄風」而備受壓力，女性就永遠要 follow 男性嘅節奏。透過閱讀洪承喜探索性慾嘅過程，相信大家一定會對性愛有更加多元化嘅想像。

四寶強烈推薦呢本書畀所有人睇，包括男性！就好似書入面嘅 A 先生所講，喺女性主義裏面，佢學到更多嘅語言，去擴闊自己對世界嘅認知。例如唔睇《紅線》都唔知，原來有「宇宙蝴蝶性愛」呢種境界😂希望大家都可以由社會嘅性愛慣例裡面跳脫出嚟，搵到屬於自己嘅「宇宙____性愛」。

但如果你係無性戀者，亦都唔需要服從社會大多數人將性同愛扣連埋一齊嘅情愛模式。下集會講不同嘅性／浪漫傾向，包括「酷兒柏拉圖」係咩東東，大家記住收聽啊！

Highlight：
02:50 透過 A 片學性愛？
05:58 由頭到腳 Hot issue
07:22 洪承喜同海軍先生、性工作客戶嘅故事
10:05 「時間上唔係好持久，20 分！高潮超有感覺，100 分！」男人係咪想噉樣被評分？
18:17 同 A 先生嘅「宇宙蝴蝶性愛」
23:14 插入式性愛以外嘅性愛形式
25:07 洪承喜同 A 先生嘅後續發展
29:54 岸久23事：努力打書嘅朱嘉漢 & 黑仔班雅明

提及書籍：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

藝術家／女性主義者／素食主義者／酷兒／薩滿巫女，擁有咁多身份嘅洪承喜，喺《紅線：我的性紀錄》書寫自己各種私密嘅「性」事。第一次性行為、第一次自慰、第一次高潮、性工作、多邊戀、約會暴力、性騷擾、性侵害、墮胎，洪承喜喺呢啲經驗入面睇到一條又一條禁錮女性的「紅線」，並且決心透過書寫，向人傳遞衝破呢條紅線嘅勇氣。

今集嘅 focus，會擺喺洪承喜喺社會運動裡面嘅親身見證同經歷。喺父權社會裡面，就連高呼解放嘅社會運動，其實都充斥住對女性嘅壓抑，只係我哋一路以嚟都視而不見。

希望大家聽完呢集之後都會得到勇氣，面對同性別有關嘅唔自在時，可以大聲噉講出：「我不爽！」

如無意外，《紅線》呢本書應該仲會有兩集，下集應該會講洪承喜嘅性愛經驗～😚

00:34 簡介作者洪承喜
01:56 由兩條紅線開始嘅書寫
06:03 可唔可以著短裙、高跟鞋、化妝去集會？
10:52 中意母性革命家、想要革命賢內助嘅社運男朋友
13:05 隱形喺社運裡面嘅物化女性
22:10 革命很高尚性慾很庸俗？國家係大事性別係小事？
33:48 岸久二三事：總係吸引外籍人士嘅 Lulu friend子

提及書籍：洪承喜著、施沛譯，《紅線：我的性紀錄》（붉은 선：나의 섹슈얼리티 기록），2022 年

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

喺充滿未知同不確定嘅時代，我哋每個人或多或少都有自己嘅恐懼同埋焦慮。《假如我們什麼都不怕》係一本由香港著名詞人周耀輝寫嘅書，通過獨特嘅視角同豐富嘅想像力，帶領讀者探索一本獨特嘅「字典」。由字母A到Z將病名排序，細膩咁描繪了多種日常生活中嘅恐懼症。由常見嘅「恐懼貓」到「恐懼沒有恐懼」，作者生動咁將各種恐懼呈現喺讀者眼前，一齊嚟聽吓有咩恐懼啦！

Highlight：
00:40 簡介《假如我們什麼都不怕》
05:09 A：恐懼數學
07:31 B：恐懼地心吸力
10:03 C：恐懼沒有恐懼
13:28 E：恐懼自由、恐懼知識
17:45 F：恐懼貓
21:09 G：恐懼結婚、恐懼膝頭
24:29 H：恐懼長的字
25:42 I：恐懼魚
30:37 J：恐懼名字
31:55 O：恐懼 8
33:19 P：恐懼恐懼
36:10 S：恐懼影子
39:11 UVW：恐懼文字
41:41 岸久23事：我哋嘅恐懼

提及書籍：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

Once upon a time，Mola喺IG見到一張好靚嘅遊戲插圖，save 咗隻 game 喺 wishlist 幾年，最近終於記得玩🫨⋯⋯

今集Mola就會介紹由女性團隊 Oracle and Bone 製作嘅獨立遊戲《A Summer's End 夏天的一天 — 香港 1986》。遊戲講述 80 年代兩位香港女仔嘅愛情故事💗，生於傳統家庭、循規蹈矩嘅 OL Michelle 機緣巧合下遇上自由灑脫嘅 MK 影碟舖老闆 Sam，兩個人互相吸引，但又不得不面對內心掙扎。玩家要為 Michelle 做一啲決定，最後主角嘅結局就睇我哋自己點揀啦～

想知主角面對點嘅困境，遊戲視角有咩特別，創作者又受到咩電影嘅啟發，就要聽呢集啦！我哋最後仲會簡單討論一下遊戲嘅定義，唔知大家又點睇？歡迎留言話畀我哋知😌！

Highlight：
11:05 Sam & Michelle 初次見面
12:56 Michelle 內心嘅掙扎
15:05 牛對 Michelle 嘅高踭鞋👠嘅分析
19:38 Sam 都有自己嘅擔憂？
21:10 隔住金魚缸嘅浪漫
22:35 🔞🔞🔞
25:00 電影《新女性》
32:48 重提悲慘歷史對當事人唔尊重？
36:19 遊戲嘅定義係咩？
44:36 Dream daddy? 😏😏😏
46:17 岸久23事：因為一隻手指 book 神經外科嘅四寶

提及遊戲：

・Oracle and Bone《A Summer's End 夏天的一天 — 香港 1986》（https://store.steampowered.com/app/1111370/A_Summers_End____1986/）
・Brianna Lei《Butterfly Soup》（https://brianna-lei.itch.io/butterfly-soup）
・Game Grumps《Dream Daddy: A Dad Dating Simulator》（https://store.steampowered.com/app/654880/Dream_Daddy_A_Dad_Dating_Simulator/）

提及電影：

・新女性，1935
・William Shakespeare's Romeo + Juliet, 1996

參考資料：

・點止港同志：Ep.36【專訪自己人】訪問廣東話Les AVG遊戲《夏天的一天》製作團隊（https://podcasts.apple.com/hk/podcast/%E9%BB%9E%E6%AD%A2%E6%B8%AF%E5%90%8C%E5%BF%97/id1580288605?i=1000618726707）
・穿越1986地下香港：女同、慾望與抑鬱都市（https://theinitium.com/article/20230108-game-on-summer-day?inviteToken=nkiULtwJKH）
・ways of seeing：《夏天的一天》視覺小說遊戲 展現80年代港活力（https://ol.mingpao.com/ldy/cultureleisure/culture/20200503/1588445064372/）
・Upcoming adult game explores lesbian desire in 1980s Hong Kong（https://cashmeremag.com/adult-game-a-summers-end-lesbian-visual-novel-806746/）
・Behind the Games – Interview with Oracle and Bone Studio（https://blerdyotome.com/2020/06/24/behin

「這是一部沒有小丑的喜劇，沒有惡人的悲劇。」《上流寄生族》由電影名去到鏡頭運用，每一個細節都值得回味，當中所帶出嘅信息更是發人深省。家家有本難念的經，無論係窮家庭或者富家庭都有其可恨、可悲及可憐之處。由初初窮人走進富人家，至每個家庭逐步瓦解，劇情峰迴路轉，每一幕設計都花盡心思，難怪呢部電影拎咁多獎！大家聽 podcast 前記得睇咗先，唔係就畀我哋劇透曬！😂 歡迎大家 DM 我哋一齊討論吓劇情。🔎

Highlight：
01:14 四寶對《上流寄生族》嘅印象
02:46 窮家庭寄生上流嘅經過
11:42 蟲外有蟲：暴雨中出現嘅不速之客
18:16 由天堂落返地獄嘅窮家庭
18:50 冇壞人嘅悲劇：有錢弟弟生日會驚魂記
27:51 鏡頭分析：樓梯嘅象徵
28:44 窮人嘅氣味
32:26 唔係主角但好重要嘅角色
34:01 有錢所以善良？
36:13 窮人嘅兩種態度
42:01 大家心目中最深刻嘅場景
44:43 點解死嘅係窮妹妹？
45:51 寄生上流嘅親身經歷
46:53 岸久二三事：對住 Lulu 媽咪趷 pat pat 嘅肥仔波

提及電影：奉俊昊執導：《上流寄生族》（기생충），2019年

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

今集延續上一集嘅主題，會繼續講廖偉棠嘅《玫瑰是沒有理由的開放：走近現代詩的40條小徑》，談論寫詩嘅倫理同抵抗。

上集因為時間關係，留到今集先講廖偉棠對黃燦然嘅批評。黃燦然究竟「是觀察還是自矜」？書寫他者嘅時候會產生啲咩倫理問題？呢部分係四寶上廖偉棠嘅堂聽返嚟嘅獨家內容，《玫瑰》本書入面冇㗎，大家千祈唔好錯過～😏

另外，仲想同大家分享〈彎的自由度將越來越廣闊〉呢個 chapter 。當寫詩抵擋唔到坦克，抵擋唔到政權，寫作者究竟應唔應該寫落去？呢條問題，就連廖偉棠都覺得好難答。寫詩嘅荒謬 VS 不寫詩嘅荒謬，你哋又會點揀？

（Btw 四寶要懺悔：今集係噉讀錯辛波絲卡個名，對唔住！😭我愛辛波DC⋯⋯辛波私家⋯⋯辛波絲卡！🙌🏻）

P.S. 今集提到嘅詩都擺咗上 IG，強烈建議大家一邊聽住 podcast 一邊睇～

Highlight：
00:52 點解無啦啦由黃燦然講到斗六？😂
02:48 終於正式講黃燦然嘅問題——「是觀察還是自矜？」
08:31 對於書寫他者嘅僭越問題，四寶同童偉格嘅解答
15:20 四寶's pick〈彎的自由度將越來越廣闊〉
17:30 辛波絲卡讀音障礙
20:07 Mola 去泰國聽返嚟嘅泰式幽默抗爭
30:04 有一樣嘢，寫詩肯定抵抗到
32:13 政治詩喺當下同未來嘅意義？
33:55 討論詩嘅翻譯

提及嘅書籍 / 詩：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

遠距離錄音咗咁多集，我哋三個終於都重聚喇！今集四寶會講廖偉棠嘅《玫瑰是沒有理由的開放：走近現代詩的40條小徑》，一齊探索好似玫瑰噉靚得沒有理由嘅詩意。

事前四寶就叫 Mola 同 Lulu 每人揀一個有興趣嘅 chapter 做今集介紹嘅重點。Mola 揀嘅〈藏起來的音樂——在詩情裡的抑揚頓挫〉，會講當新詩唔一定有韻腳同對仗嘅時候，係靠啲咩去製造音樂性。大家聽到「音步」呢個 term 嘅時候，唔好諗孭呀😆。而 Lulu 揀嘅〈離開現實，是為了現實〉入面，我哋會跟住黃燦然穿越去廿年前，再穿越天堂、人間、地獄，一齊感受超現實又超級現實嘅日常詩意。

最後，今集岸久二三事差啲因為笑到透唔到氣而錄唔到。Mola 新名「阿龍」🐲究竟點嚟？佢同小管家嘅愛恨糾葛，將為你娓娓道來。

P.S. 今集提到嘅詩都擺咗上 IG，強烈建議大家聽住 podcast 同我哋一齊讀詩～

Highlight：
01:42 介紹廖偉棠
03:09 玫瑰是沒有理由的開放，詩是沒有解答的美～
06:45 對詩嘅常見質疑
08:40 Mola's pick〈藏起來的音樂——在詩情裡的抑揚頓挫〉
25:00 Lulu's pick〈離開現實，是為了現實〉
30:35 觸碰陌生婦人嘅鼻息呢啲嘢用靈魂做好喇
43:36 岸久二三事：Mola 做乜變咗「尋巾的龍」？

提及嘅書籍 / 電影 / 詩：

參考資料：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

上集介紹完《愛妻》令人暈陀陀嘅「雞包紙包雞」 structure，今集我哋就主要 focus 喺 《愛妻》嘅核心思考——究竟人與人，可唔可以互相理解？心靈，可唔可以彼此融合？

法國神父兼科學家兼哲學家德日進，相信人類終有一日會拋棄身體同物質，達致個體意識嘅大融合。建基於呢個思想，董啟章喺書中用各種形式嚟驗證人類融合嘅可能性，最後得出嚟嘅答案 (喺四寶眼中) 卻始終係悲哀嘅。似乎呢種完美嘅境界，從一開始就係天方夜譚。

問題出喺邊？係因為佢主要用咗夫妻關係去探討，而忽略咗其他嘅人際關係同性慾取向？ 係因為佢過分執著於「靈」同「肉」嘅並重？定好似書中所講，呢個圓滿嘅境界可能「只是我們（必須）假想的一個原點和完美狀態？而現實是必然的分類、分裂、分離？」

《愛妻》成日提到「靈肉不協調」，而事實上董啟章嘅思辯都睇到四寶好唔協調，覺得佢就係一隻披住刺蝟皮 🦔 嘅狐狸 🦊，大家又認同嗎？

P.S. 董啟章大概係全香港最中意動物圖案衫嘅作家。著老虎頭像冷衫嘅黃念欣，同著龍紋浴袍嘅董生，交畀大家想像～😉

Highlight：
00:28 《愛妻》嘅核心思考：「人與人，能互相理解嗎？心靈，能彼此融合嗎？」
01:01 點解人會渴望同他者連接？
09:47 融合形式一：互聯網
11:37 融合形式二：性嘅肉體連接
19:04 融合形式三：書嘅精神連接
28:56 融合形式四：身心融合 🐉🐍
40:22 董啟章係一隻披住刺蝟皮 🦔 嘅狐狸 🦊？
41:23 讓四寶大呼救命嘅動物圖案 fashion
43:35 岸久二三事：Lulu 喺分流站目睹嘅工人姐姐匪夷所思

提及嘅書籍同影視作品：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

香港作家董啟章同學者黃念欣呢對 couple 喺文學界出名恩愛 💗，今次呢集要講嘅小說直程就叫做《愛妻》，四寶 prep 嗰陣都要戴返副太陽眼鏡 🕶 以防被閃盲。

究竟董啟章係點樣玩弄小說嘅敘述層次，將《愛妻》變成一舊「雞包紙包雞包紙包雞包包雞紙⋯⋯」？而狐狸 🦊 同刺蝟 🦔 呢兩隻看似完全唔挐耕嘅動物，喺文學評論入面原來都係一對大有關係嘅「couple」？

注意 ⚠️ 今集將會有大量動物出沒（龍、蛇、魚、蝦、虎、狐狸、刺蝟⋯⋯），仲會劇透晒成本書最精彩嘅 plot twists。以及，如果唔想同《愛妻》主角阿蛇一樣咁暈陀陀，聽呢集一定要開住我哋 IG 睇人物關係圖同敘述層次圖呀！

Highlight：
01:33 介紹董啟章
03:03 簡介《愛妻》情節
07:02 Facebook 嗰個「Meta」聽得多，但其實咩係「Meta」(後設)？
11:13 劇透時間～🚨
17:50 開始紙包雞，希望大家唔會聽到暈陀陀
27:04 「我嚟睇小說，唔係嚟睇論文㗎！」
28:32 你係狐狸定刺蝟？
33:34 岸久二三事：Lulu 影印奇事 & 睇完《白日之下》遇到嘅軟骨功阿伯

提及嘅書籍同電影：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

🚨SPOILER ALERT，今集建議睇完先聽～

《Taxi driver 》帶畀觀眾嘅未必係「細胞開晒」嘅體驗，而係主角無限嘅孤寂感同自我隔離。Travis 退伍後庸庸碌碌噉過日子，每日都做同樣嘅嘢，好似冇終點噉，同時又要面對一個佢厭惡嘅世界，最終將自己推向極致。

電影好多時候都會用主角 Travis 嘅第一視角帶我哋睇佢所睇到嘅嘢，我哋未必會好似主角咁極端去用暴力解決問題，但喺佢身上我哋往往會有所共鳴。

推薦自己——啊唔係🤪——大家睇呢一部憂鬱嘅新黑色電影～🎬🍿️

Highlight：
01:12 咩係「新黑色電影」（Neo-noir）？
05:29 開始劇透《Taxi Driver》
06:51 Mola 成個腦都係一舊嘢
08:51 女神 Betsy：黑暗城市裡面嘅曙光
10:47 Mola 需要四寶牌翻譯機
14:04 打電話 scene：唔影主角，而係影條空盪盪嘅走廊有咩用意？
18:56 主角嘅經典手勢 🤞✌️🤞✌️🔫
20:39 竟然有成員會同主角一樣同塊鏡講嘢？！
22:56 雛妓 Iris：係咪真係要主角解救？
25:11 主角點樣「整頓」紐約？
27:32 結局嘅諷刺
32:39 我好推介自己睇呢套電影
34:14 岸久二三事：聞屎的肥仔波 & 世紀難題「食咗嘢未」

提及電影：

提及書藉：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

今集返嚟，繼續講時代雜誌挑選嘅 All-Time Movies！Mola 今次就揀咗成個 list 入面年代最久遠，同時都係最短嘅電影《福爾摩斯二世》（Sherlock Jr.）。

講起黑白默片，好多人都會諗起卓別靈而遺忘咗另一位喜劇大師，人稱「大石臉」嘅冷面笑匠基頓（Buster Keaton）🗿，即係呢套電影嘅導演兼男主角。唔好睇佢細細粒，除咗創意無限，好識掌握電影呢種媒介嘅特質，場面調度別出心裁，佢仲係骨骼精奇嘅練武奇才，帶畀觀眾好多驚喜（同驚嚇，睇到Mola心都離一離🥶）。

今集「岸久二三事」返翻嚟，想知四寶個肺🫁發生咩事，就要聽呢一集喇！

Highlight：
00:52 開場白
02:10 咩係「間幕」？
03:07 劇情介紹
07:13 同為默片喜劇大師，Buster Keaton 同卓別靈有咩唔同？
11:32 Buster Keaton 非常痴線嘅童年
18:45 骨骼精奇＋想像力＝令人驚奇嘅特技效果
26:25 「致敬 vs 抄襲」嘅問題
29:30 黃金時期之後嘅 Buster Keaton
30:37 岸久二三事：四寶的上肺尖肋膜

提及作品：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

時代雜誌 Time Magazine 曾經揀選 100 部電影做「All-Time Movies」，呢個 list 後來亦都成為好多人回顧經典電影時嘅必備指南。嚟緊兩集（應該），我哋將會每人揀一套裡面嘅片嚟睇，討論下佢究竟有咩資格上到呢個 list。打頭陣嘅四寶，就揀咗小津安二郎嘅《東京物語》。

如果要拍一個東京嘅故事，大家會拍啲咩？會好似 Mola 噉「社畜眼裡出社畜」，定好似 Lulu 噉想拍日本嘅傳統人文精神？小津鏡頭下嘅東京，一開始可能會令你大跌眼鏡，但了解咗背後嘅時代脈絡之後，你或者就會佩服「大師果然係大師👍」。而呢套平淡嘅電影，點解又會令四寶大呼驚嚇？原節子嘅角色（有人記得佢喺 9startart 邊集出現過嗎？），又點樣傳達出小津對於社會世態無奈但理解嘅態度？

唔好意思😣，今集又遲咗兩日，亦都冇咗「岸久二三事」嘅環節。你問點解？因為社畜太忙，忙到連岸久事都短缺😢😢😢

Highlight：
00:29 時代雜誌 ALL-TIME 100 Movies 係咩？
01:31 《東京物語》簡介
04:09 全片 SPOILER ALERT⚠️
07:27 主持不孝自白💀
15:36 《東京物語》嘅時代背景
21:25 「火車」象徵
27:11 最令四寶驚嚇嘅位
33:08 小津嘅態度：變幻原是永恆～

提及作品：
小津安二郎執導：《東京物語》，1953年 (四寶睇嘅 version: https://www.youtube.com/watch?v=5CFtITPEvZM)

參考資料：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

今次我哋精彩喇！Lulu 會同兩位不婚主義者討論婚姻！（或者可能係三個不婚主義者😆）唔知大家有咩睇法呢？快啲 DM 我哋一齊傾傾！

今次講嘅作品係莊梅岩嘅《短暫的婚姻》，點題台詞係「如果深愛，再長的婚姻也是短暫的。」Lulu 睇嘅係劇本，有趣嘅地方係你可以透過閱讀台詞，同時幻想果個人用緊咩表情/肢體語言，喺咩地方喺咩氣氛底下去講呢一句說話。大家聽完有興趣可以去睇劇本/電視劇/舞台劇（有機會嘅話）！

Highlight：
03:10 《短暫的婚姻》簡介
04:41 細路遲早會「翅膀硬了」
06:26 《短暫的婚姻》情節概要
08:06 超正嘅對白——「喺教囡、賺錢同良知之間攝時間拍拖」、「諗唔開心嘅嘢要喺戶外」等等
13:08 無論朋友定夫妻，「一凹一凸，互補不足」先 perfect
15:44 生命中唔知快定慢嘅快與慢辯證
24:05 Lulu 覺得浪漫嘅 scene
25:56 一個想像唔到自己結婚嘅人＋兩個不婚主義者討論婚姻 xd
34:38 岸久二三事：將軍澳包玻璃女王四寶、眼下雙下巴 Mola

提及作品：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

唔知大家睇Netflix 有冇聽過《黑鏡》或者 Black Mirror ? 今集 Lulu 同四寶就揀咗其中兩集嚟講，分別係《White Bear》（白熊世界）同埋《White Christmas》（白色聖誕）。大家唔想畀我哋劇透就睇埋先聽呢一集 podcast 喇！呢集我哋會討論有關科技、人性、法律、刑罰同正義等等嘅議題，聽落係咪好豐富呢？所以呢集有啲長。最後想戴個好大嘅頭盔🪖，我哋三個嘅法律知識都係來自劇集同小說，有咩講錯咗記得同我哋講返呀～🤣

唔好意思呀，今集又出現咗技術問題同收音環境有啲嘈，後期處理都冇辦法完全清乾淨，我諗⋯⋯要等我哋有錢買咪先解決到😭😭希望大家唔好介意～

Highlight：
01:19 簡介《Black Mirror》
03:59 《White Bear》（白熊世界）劇情概述
08:15 對刑罰、司法嘅討論（要戴厚厚嘅頭盔） 🤪
20:47 《White Christmas》（白色聖誕）劇情概述
30:46 四寶對《White Christmas》（白色聖誕）嘅欣賞同質疑
37:06 意識 copy 嘅道德、司法問題
46:00 岸久二三事：叫 ChatGPT 寫《Black Mirror》style 嘅劇本同 BL？！

提及作品：

鳴謝：
好有教育意義同道德感嘅 ChatGPT

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

今集繼續由四寶講上集未講完嘅《Sonny Boy》～想知今集嘅 title 究竟係點嚟，《Sonny Boy》關榴蓮咩事，就一定要聽到最後！

表現手法上，《Sonny Boy》無論喺人物塑造、鏡頭語言、畫風等等方面，都營造出特殊嘅氣質。「手作」嘅人性同數位後製嘅非人性糅合，展現一個個天馬行空嘅異世界，為我哋帶來「奇觀式」嘅觀賞體驗。仲有強大嘅音樂陣容（包括落日飛車！）、克制的配樂安排，都令《Sonny Boy》更添藝術性。

呼～喺《Sonny Boy》嘅影像世界入面「榴蓮」忘返咗咁耐，終於都講完喇！如果你聽完呢兩集之後真係走咗去試呢嚿「榴蓮」，歡迎 DM 同我哋講你嘅試食心得！無論你中意或者唔中意都好，如果《Sonny Boy》可以喺你嘅心入面留低一啲嘢，四寶都會好欣慰。

Highlight：
00:18 復古、簡樸嘅人物設計
02:27 二次元紙片人都有演技同鏡頭感？
02:36 「玩沙」場景請見 EP11 16:24-18:29 (https://youtu.be/j_vYZoNpjuY?t=984)
08:14 以鏡頭語言製造不協調感
10:55 張圖 upload 咗上 IG，聽眾可以一齊「估眼」
14:20 畫風參考咗「野獸派」
19:02 科幻、迷幻、超現實——數位後製嘅非人性
23:48 配樂勁正
29:11 「不會推薦任何人的好作品」？！——《Sonny Boy》榴蓮論

提及作品：

參考資料：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

試幻想，你嚟到一個異世界，你唔使食飯唔會死亡，永遠都係「十四歲卜卜脆」，你會做啲咩？你會選擇留喺度，定係返去現實世界？

今集介紹嘅日本動畫《Sonny Boy》，主角正正係一班無啦啦「漂流」咗去異世界嘅中學生，部份人仲要獲得咗超能力𠻹！😎⚡️

究竟《Sonny Boy》繼承傳統「漂流」類型故事嘅同時，又係如何轉向哲學同心靈嘅探討？以一場毫無意義嘅漂流為舞台，呢套動畫點樣去提出存在主義式嘅解答？一個猩猩打棒球嘅故事，點解會令四寶感受到一種殘酷嘅浪漫？最後最後，繼續漂 or not to 漂？That is the question。

由於四寶實在太愛《Sonny Boy》，有太多嘢想講，所以《Sonny Boy》會分做上下兩集，下集主要會講佢嘅表現手法同音樂。大家記得留意我哋 IG 消息，唔好聽漏下集呀！

Highlight：
02:18 《Sonny Boy》基本背景
04:42 「漂流」類型故事傳統
13:23 《Sonny Boy》同傳統「漂流」類型故事嘅分歧
14:48 存在主義探討
23:13 講講吓漂流，無端端又關猩猩打棒球咩事？
31:58 「漂流」隱喻：青春、成長
35:46 繼續漂 or not to 漂？
39:30 岸久二三事：演員竟潛伏在我身邊？！

提及作品：

參考資料：

~

鍾意嘅話可以畀個5星review，同埋記得follow我哋IG @9startart ( https://www.instagram.com/9startart/ )，多謝收聽，下集再見！

唔想生活咁枯燥，想有啲新意思？今集講嘅呢本《7749：四十九個我試過／聽過／想過的創作練習》可能啱你！

呢本書雖然叫「創作練習」，但作者周耀輝唔係諗住教大家成為出色嘅創作者，佢只係想引導讀者喺日常開拓想像，對生活嘅一切更加好奇。喺呢一集，Mola 揀咗部分練習同大家分享，有啲適合一個人嘗試，都有啲可以同朋友一齊參與，而裡面提及嘅藝術家都好值得大家認識㗎（例如四寶都欣賞嘅 Francis Alÿs！）。

無論腦入面有幾多 idea，最緊要都係做！

Highlight：
00:58 《7749：四十九個我試過／聽過／想過的創作練習》簡介
02:22 將一啲嘢掉轉次序噉做 (藝術家 Kamagurka 亂畫嘅人像畫竟然好似我哋識嘅人😱)
06:20 自製 Summer Guests
07:56 請一個小朋友係噉問自己問題 (ft. Mola 嗰個極有智慧嘅補習學生)
11:55 同一條街建立關係嘅 5 個方法
15:49 上網 search 自己個名，揾同你同名同姓嘅人 (Mola 個名係仙女網名？)
21:03 助養你街區嘅一樣嘢——但唔好學四寶噉食咗佢
21:44 揀一種食物，慢慢望住佢腐爛
23:10 與世隔絕一段時間
24:14 用顏色幫手機裡面嘅相分類
24:52 每一日揀一篇自己覺得重要嘅新聞
28:54 四寶收書嗰陣發現嘅《做》
30:45 岸久二三事：「老撾上流寄生族」四寶

提及書籍：

藝術家個人網站:

Reference:

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

Netflix紀錄片《以神之名：信仰的背叛》播出後引嚟極大迴響，而裡面涉及嘅部分事件至今仍未結束。今次podcast 我哋會討論其中一個邪教──攝理教（JMS）。戴返個頭盔先，宗教嘅題目始終比較敏感同主觀，有好多都係我哋個人意見，想了解多啲嘅話，大家可以睇下更多相關嘅資料，亦都歡迎大家同我哋交流！

Highlight：
00:47 《以神之名：信仰的背叛》簡介
03:37 攝理教專搵 170cm 以上嘅靚女傳教
06:00 點解鄭明析可以成功侵犯信徒？
14:32 鄭明析究竟有幾變態？😱
23:51 攝理教 last 到咁耐嘅原因
27:25 宗教討論大會開始——宗教係咩？係咪 a must？世界有冇創世主？等等等等
37:38 四寶去見證會同班 friend wrrrrran~
39:46 要點嘅神蹟先說服到我哋信神？
43:24 點睇同時身為加害者同受害者嘅情況？加紀錄片拍攝倫理討論
47:11 岸久二三事：Mola 泰國深山做泰山

提及紀錄片：《以神之名：信仰的背叛》，2023 (https://www.netflix.com/title/81493078)

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

不想禁文藝 1000 followers 找數大行動！

好耐冇同大家傾偈喇～首先多謝大家踴躍提問，希望我哋回應到大家嘅問題啦。😇好耐冇錄podcast，我哋個個都串嘴 tone 🤣，大家唔好介意我哋咁真性情呀！

希望大家繼續支持我哋！我哋如無意外會錄到退休 hahaha 🤣

Highlight：
00:57 牛與 cow hunt 的對話
01:56 牛叫 ASMR
02:36 店長嘅 dream job 原來係……
03:11 書店之後有咩活動？
04:09 岸久光榮結業了？！經營書店同錄 podcast 之辛酸與得著
08:58 店主們的星座
11:39 岸久有 haters ？！
13:14 店主各人的大計
14:55 牛牛的起源
15:31 岸久三人組的相遇
16:07 書店之奇人奇事
16:30 外國生活 vs 香港生活
18:36 我哋雖然係 CC，但我哋係 NA
18:53 我哋三個係咪中文系識？
19:13 店長維生嘅方法竟然係靠 XXX ？？？
20:48 fatbutlazy 個 IG 去向
21:00 店長今日拍咗好多次？？？
21:40 有關店長寫作嘅問題
22:30 請停止打店長嘅主意！！！
22:50 最近推薦書單
24:32 中意食牛油果嗎？
25:08 岸久二三事：四寶 & Mola ——旅遊帶來岸久事～

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

講到非物質文化遺產，大家可能會諗起一啲傳統節慶嘅儀式，其實好多日常生活中會接觸到嘅嘢都可能係非遺嚟㗎！

唔知大家平時會唔會特別留意街上嘅老店？好多歷史悠久嘅小店未必好顯眼，甚至我哋去嘅時候都冇諗過佢會有咩特別嘅文化價值。喺呢一集，Mola揀咗幾個林曉敏《香港遺美——香港老店記錄》入面提及過嘅老店同大家分享，衣食住行都有。想知道呢啲舖頭有咩特別，又面臨啲咩危機，就要聽呢一集啦！

（對唔住呀，今集嘅音質都係有啲問題，因為係好耐之前錄定，嗰時都未知原來有啲技術問題，所以而家已經 solve 唔到 😭，希望聽眾們見諒 🙇‍♂️🙇‍♂️🙇‍♂️）

Highlight：
02:08 介紹林曉敏《香港遺美——香港老店記錄》
03:48 衣：上海僑冠理髮店——好型嘅 72 刀半
08:58 食：東莞佬涼茶——當年嘅「瘦」仔水
10:10 四寶同 Lulu 嘅中學回憶：有撈麵食嘅神奇涼茶舖
13:51 住：林記鐵網——鐵漢為何自投羅網
16:11 住：梁老易報稅攤檔——除咗報稅仲幫人締結良緣
19:40 娛樂：金發麻雀——保育嘅兩難
35:48 其他同香港老店、文化有關嘅書 / IG accounts
37:31 岸久二三事：90歲美魔女秘密 ㊙︎ (絕對唔係賣廣告！！)

提及書籍：

相關連結

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

講起香港文學，你知唔知除咗用中文寫作嘅作家，仲有一班用英文寫作而又同樣出色嘅人？今集嘅主角被稱「文學界導火線」、「邪牌詩人」，聽個名已經唔簡單——佢就係黃裕邦 Nicholas Wong 喇！

究竟黃裕邦係點樣玩斷裂、玩聲音、玩英文同中文，寫出 Crevasse 呢本咁有玩味嘅詩集，為四寶打開新世界大門？而將佢譯做中文譯本《天裂》嘅徐晞文，又用咗點嘅處理手法去譯呢本語言咁特別嘅詩集？想睇返今集提及嘅詩作可以去我哋嘅 IG @9startart ～

希望呢集可以吸引大家發掘多啲唔係用中文寫作嘅香港文學啦！💪💪

（對唔住呀，今集我哋又係分開錄音，但因為啲技術問題導致 Lulu 把聲唔係咁清晰同埋有啲雜音，希望大家見諒啦 🙇‍♂️ 我哋以後會更加注意㗎喇！）

Highlight：
01:17 介紹黃裕邦背景
04:28 做問米都好過做英文詩人？
06:12 介紹詩集 Crevasse /《天裂》
09:03 〈因此，幸福即幸運〉：A詩 + B詩 = C詩 = 一首奇詩
21:46 〈觀星〉：與 chin chin 一同對抗資本主義
24:40 〈無法言說〉：喂 Siri，同我一齊編返部辭典
30:41 〈雙非（等待作者校稿）〉：「在瘀言和赤字之間」
43:13 岸久二三事：Mola 仆親險變求婚 & Lulu 搭巴士驚變人肉坐墊

提及詩集：

參考資料：

其他相關 link：
【黃裕邦x鄧小樺：世界將我包圍︳黃裕邦《Besiege Me》｜無定向會客室@已讀不回# 56】 ( https://www.youtube.com/watch?v=FY_NbuBUOnM )

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

你覺得詩係啲咩呢？今集介紹嘅呢位台灣詩人陳昭淵，每次出詩集，都係嘗試回答「詩係咩」嘅呢個問題。大學主修複媒裝置同雕塑，而家從事平面設計，仲要識得作曲填詞，噉嘅背景令佢每一個創作project，都唔淨止停留喺文字層面，而係好似水嘅三態循環噉，畀詩意流轉於展覽、影像、音樂等等嘅不同媒介之間。

今集，一於同我哋一齊上太空下深海，喺一片濃霧入面大啖小鮮肉，同詩意嚟一次第四類接觸～

Highlight：
02:10 介紹陳昭淵背景
05:26 《對折再對折》同《3D透視》：超得意嘅閱讀設計
09:28 《霧散不開》 ft. 腦霧散不開嘅我哋
16:15 《小鮮肉》：雪住仲係小鮮肉嘅自己
17:28 《宇宙通信》：化詩意為宇宙探測器
23:52 《不明飛行物》：差啲變成兒童才藝表演嘅新書發表會
30:47 《深海作業》：需要光明先睇到嘅詩集
32:29 總結：轉化嘅詩意
35:48 陳先生，你就係四寶嘅讀品
36:28 岸久二三事：魚腎之謎 & 醫水母 & 去朋友婚禮好感動

提及詩集／Zine：

有關嘅 Link：

其他參考資料：

人生就係一份有 N 題 MC 題嘅試卷，點樣去做選擇會直接影響你當日嘅心情，影響你作下一個選擇，甚至影響你之後嘅人生。擺脫認知偏誤唔會直接令你嘅人生即刻變好，但可以畀個機會你了解自己更多，有更強嘅心理素質去面對自己嘅人生。

今集介紹嘅書《直覺陷阱》裡面，每個心理學概念都搭配日常生活例子去解釋，輕鬆易讀而且一啲都唔悶，睇完話我知你最鍾意邊一篇！

另外，因為我哋有成員要遠行，錄音方面比較困難，今集打後嘅更新頻率會變成3個禮拜一集，直至另行通知，大家掛住我哋就惟有聽返以前啲集數喇！🥲

Highlight：
00:50 《直覺陷阱》簡介
02:56 參考點效應——新娘搵伴娘嘅秘密㊙️
06:04 「有為者亦若是」效應——過度看輕人哋嘅成功
10:06 沉沒成本謬誤——要識得止蝕離場
13:18 IKEA效應——小學雞 Mola 借筆辛酸回憶
19:14 框架效應
23:02 灰姑娘效應
25:23 布里丹毛驢效應
30:27 岸久二三事：為咗錄音條頸可以去到幾盡＋四寶爛 gag（唔好意思四寶記錯，鬧 fans 然後令啲 fans 更興奮嘅係釘宮理惠，唔係花澤香菜）

提及書籍：高登第《直覺陷阱：擺脫認知偏誤，擁有理性又感性的30個超強心理素質》

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

唔知大家聽歌嘅時候會唔會留意歌詞呢？有人覺得歌詞要傳意之餘，文字要靚，都有人覺得有 feel 就得，唔使理咁多💃🏻。

今集，Mola 揀咗幾首由周耀輝填詞而有關性別、身體嘅歌同大家分享🎵，唔知大家係咪首首都聽過，入面又有冇你哋嘅心水？比起抽絲剝繭咁分析歌詞，呢集更加多時間係同大家感受成首歌嘅氛圍，同埋討論一啲性別話題。想知歌詞對我哋三個嚟講係啲咩，就要聽呢集 podcast 啦！

由於時間關係，加上Mola錄音當日好似有真．腦霧🤯，所以有啲重點可能未詳細深入地講到，例如周耀輝嘅用字特點，旋律、節奏嘅分析等，有機會再講啦，或者你有啲咩睇法都可以 comment 話俾我哋知！

（唔好意思呀，今集忙到要邊食嘢邊錄音，搞到有啲食嘢 ASMR 襯底噉 QAQ）

Highlight：
04:48 你可以唔用形容詞去講一首歌嗎？
06:12 周耀輝幫 Ultrapink 填嘅詞：情欲 vs 宗教
08:25 用歌嚟演譯一段愛情故事：麥浚龍「Evil Is a Point of View」
17:34 精子同卵子對話嘅歌？！
23:22 藍奕邦 - Cocktail：溝下溝下嘅多元性
27:00 歌詞對一首歌嚟講係咩？
30:44 Pen-Pineapple-Apple-Pen 同 Baby Shark 傳達緊啲咩？😂
32:36 唱住林家謙嘅 doo doo doo 喺馬路馳騁
33:37 岸久二三事：霧牛粉絲會終於有名—— Cow Hunt 👏👏

提及歌曲：

提及電影：

參考資料：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

百貨公司咩都有得賣，如果連夢都可以採購嘅話，唔知你會想買咩夢呢？小說嘅吸引之處就係可以帶我哋逃離現實世界，跳入另一個世界感受一下。呢本書嘅內容雖然好天馬行空，但有完整嘅世界觀同埋人物背景，唔怪得 Leanne 話唔捨得睇曬本書，要慢慢「品嘗」三日！

歡迎光臨夢境百貨～大家可能喺特價區會搵到有關三位岸久店長嘅夢🤣，聽完呢集夢到我哋唔好同我哋講。🥱

（其實今集應該叫發夢同書店岸久事吹水大會🤣）

Highlight：
00:38 嘉賓 Leanne 嘅自我介紹
01:52 介紹《歡迎光臨夢境百貨》故事背景
05:32 爆笑怪夢分享會
12:32 時間之神與 Mola、Lulu、四寶呢三位徒弟
21:21 點解 fresh grad 睇呢本書會咁有共鳴？
31:05 四寶為你演譯 Jazz 版生日歌
31:58 大家最想發咩夢？
35:46 岸久二三事：Lulu 喺養和醫院 & Leanne 喺冰島醫院嘅見聞

嘉賓 IG：
KUMA 豆熊｜七份一書店@集成中心
@leanne.in.kuma ( https://www.instagram.com/leanne.in.kuma/ )

提及書籍：李美芮《歡迎光臨夢境百貨：您所訂購的夢已銷售一空》

~

鍾意嘅話可以畀個5星review，同埋記得follow我哋IG @9startart ( https://www.instagram.com/9startart/ )，多謝收聽，下集再見！

不想禁文藝又有嘉賓啦，佢係獅墨書店嘅店長，同時仲係香港古事記嘅版主 Dexter！👏👏

講到香港歷史，多數都會集中喺城市以內，但原來長洲嘅歷史都係好有趣，好值得留意㗎！研究香港史嘅 Dexter，今集會為我哋介紹一本叫《一九二零年代長洲生活記趣》嘅書。究竟長洲以前嘅生活面貌係點？作者點解會畀我哋話係「鋼鐵直男」？同場仲會加映 Dexter 與石碑、四寶與墓碑嘅小故事，想知就一定要聽呢集！

廣告時間～📢 Dexter 出年將會出一本新書，會講殖民地時代之前40個香港歷史人物嘅故事，對香港史有興趣嘅人不可錯過。

Highlight：
00:34 嘉賓 Dexter 自我介紹
07:30 咩係「艇妹」？
09:12 原來當年入長洲要過安檢
20:00 那些年，畀人追嘅長洲鋼鐵直男
27:44 Dexter 介紹佢將會出嘅新書
28:42 醉心於研究石碑嘅 Dexter
36:23 天真嘅四寶被馬家輝 fake 咗去墳場
40:23 岸久二三事：櫈的誤會

*糾正：《龍頭鳳尾》其中一個主角應該係英國情報員，四寶記錯咗做英國軍官，sorry ar 😫

嘉賓 IG：

提及書籍：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

每個人都有情緒，但唔係每個人都識面對情緒。睇完呢本書就好似上完一堂情緒堂咁，我哋要先理解自己嘅情緒，然後再好好消化同處理當下嘅問題。

送呢集畀所有準備去接受諮商/有意去接受諮商/面對緊情緒問題嘅人。💝

Highlight：
00:32 介紹本書同角色嘅背景
04:44 兒童狀態：「自然型」&「適應型」
13:11 認識呢啲心理學 concepts 並唔係用嚟標籤人
14:17 父母狀態：「挑剔型」&「教養型」
17:56 最理想嘅狀態——「成人自我狀態」
20:18 咩係「人生座標」？
28:50 社會對於心理諮商嘅 labelling 好似無咁嚴重
32:28 Mola 錄音錄到流淚？！
34:47 岸久二三事：「我要拮你皮膚！拮你皮膚！」

提及書籍：羅伯．狄保德（Robert de Board）《蛤蟆先生去看心理師》（Counselling for Toads: A Psychological Adventure）

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart/)，多謝收聽，下集再見！

今集返嚟，繼續講AI～

微軟推出嘅AI小冰，又係主播，又係歌手，又係財經評論人，又係顏值鑒定師，又識寫詩？！簡直係最強Slasher！

究竟AI寫嘅詩可唔可以同人類寫嘅詩魚目混珠？啲藝術家又點樣用小冰輔助佢嘅創作？科技越嚟越發達，AI似乎越嚟越有「智能」，又點樣帶來對後人類理論嘅insight，以至令四寶反思到人類中心嘅問題？

你覺得小冰嘅詩寫成點？歡迎大家upload張相畀小冰幫你寫返首詩，再DM畀我哋開心share！

Highlight：
01:11 介紹AI詩人小冰
02:48 小冰除咗係歌手，仲係一支神奇嘅雪條
03:49 小冰除咗係一支神奇嘅雪條，仲係一個顏值鑒定師
12:17 用林鄭同CY張相畀小冰寫詩會點？
16:35 畀岸久BB張相小冰寫詩，然後成功玩壞咗小冰😂😂
23:36 AI寫詩係咪一定要介入到「民族或祖國最深的痛處」🤯？
35:28 Lulu喺日常生活中見到嘅AI
38:42 岸久二三事：臭閪係唔使洗㗎

小冰相關link：

參考資料：

參考書籍/文獻：

~

鍾意嘅話可以畀個5星review，同埋記得follow我哋IG @9startart (https://www.instagram.com/9startart